Gini Goada; Haheauka
Iehova ena hesiai taudia be haheauka karana idia dibaia be namo, a?
Dahaka dainai do ita diba taunimanima haida be iseda haroro gaukara do idia ura henia lasi bona ita do idia dagedage henia?
Mt 10:22; Ioa 15:18, 19; 2Ko 6:4, 5
Baibel sivarai haida:
2Pe 2:5; Ge 7:23; Mt 24:37-39—Ena be Noa be “kara maoromaoro ia harorolaia tauna,” to momo ese ia idia dadaraia, bona ia bona ena ruma bese sibona be Abata amo idia roho mauri
2Ti 3:10-14—Aposetolo Paulo be sibona ena haheauka karana ia herevalaia, unai amo Timoteo ia hagoadaia
Dahaka dainai ita diba iseda famili taudia ese ita do idia dagedage henia?
Mt 10:22, 36-38; Lu 21:16-19
Baibel sivarai haida:
Ge 4:3-11; 1Io 3:11, 12—Kaino be kara dika tauna dainai ena tadikaka kara maoromaoro tauna Abela ia hamasea
Ge 37:5-8, 18-28—Iosepa ena tadikaka ese ranu guri ta lalonai ia idia negea bena hesiai tauna bamona idia hoihoilaia, badina idia dekenai Iehova amo ia abia nihi ia gwauraia
Bema dagedage ita davaria, dahaka dainai mase totona ita gari lasi be namo?
Apo 2:10 itaia danu
Baibel sivarai haida:
Da 3:1-6, 13-18—Sataraka, Misaka, bona Abetenigo be kaivakuku tomadiho karana idia dadaraia ena be do idia mase
Ka 5:27-29, 33, 40-42—Ena be haida idia ura aposetolo taudia idia hamasea, to mai haheauka ida idia haroro noho
Ena be matahakani ita abia, to dahaka ese ita do ia durua Iehova ita badinaia noho totona?
Baibel sivarai haida:
Nu 20:9-12; De 3:23-28; 31:7, 8—Peroveta tauna Mose be Iehova ena matahakani dainai ia lalohisihisi, to Dirava ia badinaia ela bona ia mase
2Ki 20:12-18; 2Si 32:24-26—King Hesekaia ia kara dika bona sisiba ia abia, to unai murinai ia manau bona mai haheauka ida Dirava ia badinaia noho
Haida be Iehova hesiai henia karana idia hadokoa neganai, edena dala ai iseda haheauka karana ia tohoa diba?
Baibel sivarai haida:
Sal 73:2-24—Salamo torea tauna be kara dika taudia edia noho namo bona maino ia laloa neganai, ia daradara bema Iehova do ia hesiai henia noho eiava lasi
Ioa 6:60-62, 66-68—Ena be momo ese Iesu idia rakatania, to aposetolo Petero be ena lalona ia hadaia mai haheauka ida Iesu ia badinaia totona
Dahaka ese ita do ia durua ita haheauka totona?
Iehova ita badinaia noho
Dirava ena Hereva ita stadilaia bona ita laloa dobu
Hanaihanai mai kudouna ibounai ida Iehova oi guriguri henia
Baibel sivarai haida:
Da 6:4-11—Peroveta tauna Daniela be hanaihanai ia guriguri, ena be haida ese palani idia karaia ia idia hamasea totona
Mt 26:36-46; He 5:7—Iesu be ena hanuaboi ginigabena ai, ia guriguri goadagoada bona haida ia hagoadaia unai bamona idia karaia totona
Hanaihanai tadikaka taihu ida ita tomadiho hebou
Iehova ese ia gwauhamatalaia hahenamo ita laloa noho
Iehova bona iseda tadikaka taihu lalokau henia karana ita hagoadaia, bona kara maoromaoro ita badinaia noho
Abidadama ita hagoadaia
Hisihisi negana ai lalohadai maorona abia
Mai haheauka ida Dirava ita badinaia ena namo haida be dahaka?
Iehova Dirava ita hanamoa
Ao 27:11; Ioa 15:7, 8; 1Pe 1:6, 7
Baibel sivarai haida:
Iob 1:6-12; 2:3-5—Satani ese Iehova dekenai Iobu ena kara maoromaoro ia henanadailaia, bona Iobu be ena haheauka karana amo unai ia haerelaia
Ro 5:19; 1Pe 1:20, 21—Adamu be Dirava dekenai ia gwau-edeede, to Iesu be unai bamona lasi, ia haheauka ela bona ia mase, unai amo inai henanadai ia haerelaia; Goevadae tauna ese Dirava do ia badainaia noho ena be hahetoho badana ia davaria, a?
Haida ita hagoadaia idia haheauka totona
Haheauka karana ese ita ia durua haroro gaukara ai anina namona ita havaraia totona
Iehova ena lalonamo bona ia gwauhamatalaia hahenamo ita abia
Mt 24:13; Lu 21:19; 1Ko 15:58; He 10:36
Ro 2:6, 7; Ia 1:12 itaia danu