Buruka Taudia; Mauri Lagani Bada Taudia
Dahaka gaudia be ita buruka noho lalonai, idia vara?
Baibel sivarai haida:
Had 12:1-8—Ane amo King Solomona ese buruka negana ia herevalaia, matana ia itaia namonamo lasi (“windo amo idia roha lao hahine idia itaia gabu be dibura”) bona taiana ia kamonai namonamo lasi (“ane abia kekeni iboudiai edia gado regena be ia maragi”)
“Hagoadaia Hereva—Gorere o buruka dainai idia hegeregere lasi” itaia danu
Ena be buruka taudia be idia hisihisi eiava gau haida idia karaia be hegeregere lasi, to idia moale noho diba, a?
Baibel sivarai haida:
1Sa 12:2, 23—Buruka peroveta tauna Samuela ia diba Iehova ena taunimanima totona ia guriguri noho be namo
2Sa 19:31-39—King Davida be buruka tauna Barasilai ese ia durua dainai ia moale, bona Barasilai be gau haida ia karaia totona ia noia neganai, mai momokani ida ia gwau ena goada be mai hetoana
Sal 71:9, 18—King Davida be Iehova ia noia, iena buruka negana ai Iehova ese do ia gaukaralaia, gabeai do idia vara natudia dekenai Iehova ia herevalaia totona
Lu 2:36-38—Peroveta vabu hahine burukana Ana be Dirava ia badinaia, bona hesiai henia dainai Dirava ese ia hanamoa
Edena dala ai Iehova ese buruka taudia laloa bada karana ia hahedinaraia?
Sal 92:12-14; Ao 16:31; 20:29; Isa 46:4; Tit 2:2-5
Baibel sivarai haida:
Ge 12:1-4—Aberahamo ena mauri lagani be 75 neganai, Iehova ese asainmen ta ia henia, unai ese iena mauri ia haidaua
Da 10:11, 19; 12:13—Peroveta tauna Daniela ena mauri lagani be 90 bamona neganai, aneru ta ese ia hamaoroa Iehova dekenai ia be tau namo hereana bona ena abidadama dainai ahuna namona do ia abia
Lu 1:5-13—Iehova ese buruka taudia Sekaraia bona Elisabeta ia hanamoa dainai, hoa dalanai natuna mero Ioane idia havaraia
Lu 2:25-35—Iehova ese buruka tauna Simeona ia hanamoa dainai, Mesia ai do ia lao beibi ia itaia; Simeona be ia totona peroveta hereva ta ia gwauraia
Ka 7:23, 30-36—Peroveta tauna Mose ena mauri lagani be 80 neganai, Iehova ese ia abia hidi Israela taudia ia gunalaia totona
Edena dala ai abidadama buruka taudia ita kara henia be namo?
Baibel sivarai haida:
Ge 45:9-11; 47:12—Iosepa be ena buruka tamana Iakobo totona hereva ia siaia, bona ia durua ela bona ia mase
Ru 1:14-17; 2:2, 17, 18, 23—Ruta ese hereva bona kara amo hahine buruka Naomi ia durua
Ioa 19:26, 27—Iesu be au ai idia tauadae bona ia do mase lasi lalonai, Ioane ia noia ena sinana ia naria totona