‘Haida, Egu Turadia Edia’

Buka ladana Emu Ruma Bese Hamoalea Dalana idia moalelaia bada dainai, taunimanima momo ese unai buka na edia bamodia idia henidia. Hahine ta Indiana, U.S.A. dekenai ia torea herevana be inai:

“Umui lau hanamoa, hari lau duahia vadaeni bukana ladana Emu Ruma Bese Hamoalea Dalana dainai. Umui torea namonamo, bona duahia taudia be ena anina idia lalo-pararalaia haraga. Taunimanima badadia sibodia lasi to memero bona kekeni danu ese idia duahia be namo.

“Lau ura hari buka ma haida do lau abia egu turadia edia, bona lau ura haida be idia headava gwauraia ulatodia do lau henidia.

“Lau be Nazarene dubu oreana hahinena ta . . . lau ura lasi buka idaudia be lau dekenai do umui siaia . . . mani lau umui hamaoroa, hari buka 10 be davana bada lasi amo do lau hoidia diba eiava.”

Reana oi danu be Ruma Bese bukana oi moalelaia. Taunimanima ta oi diba, ia danu do ia duahia be namo, a? Buka ta be harihari gauna ta bamona ia dekenai oi siaia be namo, ani? Unai oi karaia totona, inai rau ena henu kahana oi hahonua bena 80t danu oi siaia ai dekenai.

Mani umui ese buka ta ladana Emu Ruma Bese Hamoalea Dalana, mai ena kopina aukana bona mai ena rau 192 gauna, be henunai iena ladana lau torea tauna dekenai umui siaia. Revareva ta umui tore henia danu, umui hamaoroa unai buka be harihari gauna ta bamona ia siaia tauna ena ladana be ‐‐‐‐‐‐‐‐‐‐‐‐‐.

Lau be 80t lau siaia inai.