“ ‘Awake!’ Do Lau Abia Hidi mai Moale Danu”

Papua New Guinea ena niuspepa, Post-Courier dekenai, Frank Senge be unai bamona ia torea. Wiki ta ta iboudiai hereva ta ia torea, bona July 19, 1988 neganai, Senge ia gwau:

“[Awake!] magasin ena anina rauna dekenai ia gwau unai magasin idia printaia badina ‘ruma bese ibounai ia durudia diba.’

“Ia gwau: ‘Hari inai negai idia vara hekwakwanaidia haheaukalaidia dalana ia gwauraia.’

“Bona unai bamona ia karaia. Dubu ma haida edia nius revareva eiava magasin be unai bamona lasi, Awake! ese Dirava ena kara ia herevalaia ena be ita be tanobada hekwakwanai momo dekenai ita noho. . . .

“Reana umui laloa inai be tomadiho tamona veria momo herevana (Lau be [Witness] tauna lasi,) . . . to bema magasin iboudiai ita hahegeregeredia, edena ta ese ruma bese ia durua, Awake! do lau abia hidi mai moale danu.”

Ai laloa umui danu be Awake! magasin do umui moalelaia diba. Hua tamona ta idia printaia neganai idia be kopi 11,930,000 idia karaia bona gado 55 dekenai idia karaia.

Mani emui kara Awake! (English gado) sabskripsen be hua ta ta iboudiai umui siaia lau dekenai ela bona lagani ta ia ore. Lau be K6.00 kontribusen lau siaia inai magasin iboudiai 24 do lau abia totona (hua ta ta iboudiai magasin be rua).