‘Hairai Bada Gauna Ta’

Argentina ai duahia tauna ta be unai bamona ia hereva buka matamata Mankind’s Search for God ia duahia murinai. Inai bamona ia torea: “Unai buka lalonai be toana idauidau idia noho, hairai bada ima karakara gauna ta bamona. Imana amo hairai gauna ta ita karaia neganai toana hanamoa gaudia idauidau ita gaukaralaia; unai hegeregerena inai buka ese unai bamona tomadiho ia herevalaia badina haheitalai, sivarai bona dala idauidau ia gaukaralaia bona unai amo duahia tauna ese diba matamata momo ia davaria.”

“Nao taudia momo be Asia taudia edia tomadiho karadia eiava unai tomadiho edia vara dala idia diba lasi.” Oibe, hari inai buka ia moalelaia tauna ia hereva bamona, unai buka be “Hindu tomadiho amo ia lao bona Zion tomadihona, bona ma Buddha ena tomadiho orea idauidau amo ia lao bona Kerisendom ena orea idauidau, bona ma tomadiho hereva maragi maragi ibounai ia herevalaia. Bema ta ese tomadiho idauidau ia stadilaia neganai, unai buka ese dala idauidau amo do ia durua bada.”

Taunimanima momo idia gwau edia tomadiho be edia tama bona sina ese idia lao henia gauna to nega momo idia ese unai tomadiho ena abia dae herevadia idia diba namonamo lasi. To oi laloa unai be maoro, a, bema oi gwau oiemu tomadiho be oi vara neganai emu tamana sinana ese idia lao henia gauna, a? Eiava, dala maorona be oi sibona ese emu tomadiho be ma tomadiho haida danu oi hahegeregerea murinai emu lalona oi hadaia? Inai rau 384 bukana, Mankind’s Search for God, ese oi do ia durua unai tomadiho hahegeregerea karana dekenai. Sedira oi do ia durua danu Dirava momokani ida emu hetura karana do oi hanamoa totona.

Lau ura ena rau 384 nao gado bukana ladana, Mankind’s Search for God, umui siaia lau dekenai. (Bema P.N.G. lalonai oi noho lasi, emu gabu dekenai ia noho Watch Tower branch opesi dekenai leta oi siaia. Rau 2 itaia.)