Kerisendom Ena Helaga Gabudia Dekenai Dahaka Do Ia Vara?

ARCHAELOGY tauna Stewart Perowne ese ia torea bukana ladana Holy Places of Christendom idia karaia taudia idia henanadai, idia gwau: “Herevana edena Keristen hahedibana ia abia dae neganai, daika tauna be ia hoa lasi, Calvary dekenai ia gini neganai, Toreisilou ena Dubu lalonai: badina inai gabu idia hahelagaia bona ia totona tuari idia karaia, lagani handred handred momo lalodiai, bona ia be Kerisendom ena gabu badana.”

Tau ta lasi ese ia hamomokania diba unai dubu be Calvary dekenai idia haginia, Iesu Keriso ia mase gabuna unai. Oibe, Roma ena pavapava Constantine ese lalona ia do hadaia lasi unuseniai dubu ta do ia haginia neganai, kaivakuku tomadiho henia dubuna ta ia gini unai gabu dekenai. Ma danu, Iesu ia gwau: “Dirava be Lauma, bona do idia tomadiho henia taudia ese lauma bona momokani dekena amo do idia tomadiho henia.” (Ioane 4:24) Unai bamona idia tomadiho karaia taudia ese au bona nadi ai idia karaia “helaga” gabudia idia gwauraidia bada lasi.

Nega ta ai, Ierusalem be Dirava ena dubu ia noholaia hanuana bona ia be tomadiho momokanina ena gabu badana. To, unai hanua ena taunimanima edia abidadama lasi karadia dainai, Iehova Dirava ese unai hanua ia rakatania, Iesu ena peroveta herevana hegeregerena. (Mataio 23:​37, 38) Iesu danu ia peroveta, ena be haida idia do laloa ia be helaga gabuna, unai tomadiho ena hanua badana be do idia hadikaia ore. Ia ena hereva idia guguru lagani 70 C.E. neganai, Roma taudia ese Ierusalem bona ena dubu idia hadikaia ore neganai.​—Mataio 24:​15, 21.

Iesu ena peroveta herevana be dala badanai do ia guguru lou Kerisendom ena orea iboudiai latanai, Kerisendom ese ia gwauraidia helaga gabudia unai. Tomadiho ia dadaraia siahuna ta ladana “gau dika rohorohona, gabu ia hadikaia gauna” ese Kerisendom bona ena helaga gabudia be kahirakahira do ia hadikadia ore. (Daniel 11:31) Iehova ena Witness taudia ese oi do idia hadibaia edena dala ai unai gau dikana do ia vara.

[Picture on page 32]

Guriguri gabuna ta Church of the Holy Sepulcher lalonai

[Credit Line]

Pictorial Archive (Near Eastern History) Est.