Bible be Momokani Dirava amo Harihari Gauna Ta, A?
“LAUEGU lalohadai be Bible be taunimanima dekenai Dirava ese ia henia harihari gauna namo hereana.” Abraham Lincoln, United States ena presiden namba 16, ese unai hereva ia gwauraia.a Ia sibona lasi to ma haida danu be unai lagani momo bukana idia moalelaia.
Lagani 1800 C.E. bona 1899 C.E. ihuanai ia noho Britain gavamani tauna William E. Gladstone, ia gwau: “Bible Ena Vara Dalana be Idau, bona ma buka haida amo ia idau momokani.” Unai bamona lalohadai hegeregerena, 1700 C.E. bona 1799 C.E. ihuanai ia noho America gavamani tauna Patrick Henry, ia gwau: “Bible ena namo be idia printaia buka iboudiai edia namo ia hanaia.” Bible ia moalelaia dainai, France ena king badana Napoléon Bonaparte ia gwau: “Bible be buka ta sibona lasi, to ia be Mauri Gauna bamona, iena siahu ia hegeregere idia inai henia taudia iboudiai dekenai ia kwalimu totona.”
Bible ese taunimanima haida ia durua bona ia hanamoa. American Confederate jeneral tauna, Robert E. Lee, ia gwau: “Lauegu lalo-hekwarahi bona hekwakwanai iboudiai lalonai, Bible be hanaihanai lauegu dala ia hadiaria bona lau ia hagoadaia.” Bona unai buka ia moalelaia dainai, United States ena presiden ta, John Quincy Adams, ia gwau: “Lagani momo lalodiai lauegu kara be lagani ta ta iboudiai Bible ibounai lau duahia ore.”
Bema Atai Herea Tauna be taunimanima dekenai Bible ia henia, namona be ia hedinarai momokani ia be Dirava ena lauma amo idia torea. Namona be ma buka iboudiai ia hereaia. Bona Bible be goada bona diba edia badina momokani ai ia lao totona, namona be ena hereva iboudiai idia maoro. Unai dainai henanadai ta ia noho, Bible be momokani Dirava amo harihari gauna ta, a? Namona be haere ita tahua.
[Footnotes]
a Momokani, unai ia hereaia harihari gauna ta ia noho—unai be Iesu Keriso.—Ioane 3:16.
[Pictures on page 3]
William. E. Gladstone
[Credit Line]
U.S. National Archives photo
Abraham Lincoln
[Credit Line]
U.S. National Archives photo
Patrick Henry
[Credit Line]
Harper’s U.S. History
Napoléon Bonaparte
[Credit Line]
Drawn by E. Ronjat
John Quincy Adams
[Credit Line]
Harper’s U.S. History
Robert E. Lee
[Credit Line]
U.S. National Archives photo