Do Oi Lao Guba Eiava Hel?

“OI LALOA oi hegeregere do oi lao guba eiava do oi lao hel?”

Vanegai orea ta ese America taudia idauidau unai bamona idia nanadaidia. Princeton Religion Research Center ese taunimanima edia haere be buka ta ladana Religion in America 1992-1993 ai ia torea.

Unai henanadai be edena bamona do oi haerelaia? Oiemu adavana eiava emu lalokau taudia be hegeregere do idia mase neganai do idia lao guba, eiava? Oi laloa oi, eiava idia, be reana do umui lao hel, a?

Idia nanadaidia taudia 100 100 amo 78 78 idia gwau idia laloa idia hegeregere do idia lao guba. Taunimanima 100 100 amo 77 77 idia gwau idia laloa do idia lao lasi hel.

Diba maoromaoro Baibel ena amo hegeregerena idia haere eiava? Idia 10 10 amo 4 4 idia gwau lagani 5 gunanai idia lao guriguri negadia edia momo ese hari idia lao negadia edia momo ia hanaia. Idia 100 100 amo 28 28 mo idia gwau Baibel stadi grup ai idia vareai bona 100 100 amo 27 27 mo idia gwau tomadiho dibaia kosidia idia karadia.

Bema Baibel oi tahua namonamo, do oi davaridia gaudia haida do oi hoalaidia. Hegeregere, nao gado Baibel, King James Version, ia gwau Iesu ia mase neganai ia lao “hell.” (Kara 2:31; “mase taudia edia gabu,” Taravatu Matamatana) Dirava ena Hereva ese ia hamomokania King David bona Ioane Bapatiso idia mase neganai idia lao lasi guba. (Mataio 11:11; Kara 2:29) Unai be hereva momokanina, tomadiho taudia haida edia lalohadai kavakavana lasi.

Reana inai danu do oi hoalaia: Baibel ia gwau Iesu ena aposetolo bona ma haida mo sibodia do idia lao guba, Iesu ida do idia lohia hebou totona. To, mase taudia momo herea, gara gabudia ai idia noho, be Dirava ese do ia hatoredia isi, tanobada ai do idia mauri lou, bena idia be mai edia dala do idia mauri hanaihanai mai moaledia ida, tanobada paradaisona matamatana ai.

Iehova ena Witness taudia edia lalodia be hegeregere oi do idia durua, sibomu emu Baibel amo unai hereva do oi hamomokania totona.