Dirava ese Tanobada Ia Lohiaia, A?

INAI be Sunday dabai. Edia mahuta bedi amo idia toreisi, idia hahegoeva, idia aniani bena dubu dekenai idia lao haraga. Unuseniai, idia kamonai haroro herevana ia gwau Dirava ese tanobada ibounai ia lohiaia, bona ma lohia ta ena siahu be iena siahu hegeregerena lasi. Idia hamaorodia ia ese taunimanima ia lalokau henia bada. Iesu Keriso idia herevalaia danu. Idia kamonai, ia be pavapava ibounai edia Pavapava bona taunimanima ibounai be ia idia kamonai henia dainai ia dekenai idia tui diho.

Dubu idia rakatania, bona ruma dekenai idia ginidae neganai, unai taudia ese televisen idia kehoa bona niusi idia itaia. Hari, idia ese doe, kara dika, drag ania karana bona ogogami edia sivarai idia kamonai. Taunimanima idia gorere bona idia mase idia itaia neganai, idia hebogahisi bada.

Unai bamona taudia ese dubu dekenai idia harorolaia herevana idia laloa matamaia, bona unuseniai edia anina idia hahedinaraia lasi herevadia idia lalodia momo. Bema Dirava be lalokau bona mai siahu bada, dahaka dainai kara dika rohoroho idia vara? Bona Iesu Keriso be edena bamona? Ia hedinarai, taunimanima momo be idia kamonai henia lasi bona idia tui diho henia lasi.

[Picture on page 3]

Bema Dirava ese tanobada ia lohiaia, dahaka dainai hekwakwanai bona hisihisi idia vara?

[Picture Credit Line on page 2]

Cover: NASA photo