Hebouhebou Idauna ta Idia Hanamoa

LIMA ai, Peru dekenai, reidio dekenai ia gaukara tauna ta be Iehova ena Witness taudia ia daradaralaia bada. To edia distrik hebouhebou ta dekenai ia lao murinai, ena lalohadai ia haidaua momokani. Ia itaia gaudia ia laloa bada dainai, ena reidio program lalonai hanamoa herevadia haida ia gwauraia. Inai be ena hereva haida:

“Unai hebouhebou be idau momokani. Pepa ta be lasi foloa dekenai bona hoihoilaia taudia ta be lasi. Motuka be momo to dala idia koua lasi. Taunimanima 5,200 be steidiam dekenai idia lao, idia sibona ese davana idia karaia, ta ta be mai ena baketi, hagoevaia dabua, kahu kokia gauna, kahu gogoa gauna, puriki, barasi, imana koua gaudia, bona muramura idia mailaia gabu huria bona hagoevaia totona. Edena gabu idia penia be namo, idia penia sibona. Bona daika ese moni ia henidia? Idia sibodia ese! Idia hadibadia gau ta idia karaia be namo neganai, karaharaga ibounai be moni idia henia. Umui lau hamaoroa, unai kara dekenai Katolik Dubu be ia mahuta bamona. Lau ura Iehova ena Witness taudia bona unai hebouhebou idia naria taudia lau hanamoa. Bona lauegu kudouna ibounai amo idia dekenai lau gwau, Dirava ese umui ia durua bona hanamoa be namo.”

Hari inai lagani lalonai, tanobada ena gabu ibounai dekenai, Iehova ena Witness taudia be “Dirava Ia Gwauraia Mauri Dalana” Distrik Hebouhebouna do idia moalelaia. Do oi noho, a?

[Blurb on page 32]

“Pepa ta be lasi foloa dekenai”