Idia Oi Bamoa be Namo, Ani?

NDJAUKUA ULIMBA ena mauri lagani be 73, bona vanegai lagani ai ia be kilomita 450 ia laolao. Unai laolao ibounai lalonai ia raka sibona, bona ia be dina 16 ia raka.

Unai tau buruka be unai gabu daudau ia lao, Iehova ena Witness taudia ese lagani ta ta ai idia karaia hebouhebouna dekenai ia lao totona. Hebouhebou murinai, lauma dalanai ia goada bona mai moale bada ida ena noho gabuna dekenai ia raka giroa lou​—⁠ma dina 16. Unai ia karaia be mai ena davana namona, a? Oibe! Ndjaukua Ulimba be lagani haida lalonai unai bamona laolao ia karaia.

Unai Africa tauna be vanegai lagani lalonai tano 230 mai kahana dekenai Iehova ena Witness taudia edia hebouhebou dekenai idia lao taunimanima milioni 15 mai kahana taudia ta. Momokani, momo be dina momo lalonai hebouhebou gabuna dekenai idia raka lao lasi. Momo be motuka, basi, trein, eiava peleini dekenai idia lao. Oi be idia ta, a?

Lagani 1998 ai, tanobada hegegemadai siahu negana ai (eiava medu lasi negana ai) hebouhebou do idia karaia lou. Bema ia gorere lasi, Ndjaukua Ulimba ese hebouhebou ia lao totona unai bamona do ia raka lou. Ia bona taunimanima milioni momo ese heduru ia henia bona abidadama ia hagoadaia program do idia kamonai. Idia lao taudia ibounai totona, unai hebouhebou be mai anina bada gauna unai lagani ai. Oi danu ai boiria oi mai totona. Emu gabu dekenai idia noho Iehova ena Witness taudia be emu gabu kahirakahira ai do idia karaia hebouhebou gabuna oi dekenai do idia hadibaia mai moale ida.