Lagani 1800 Murinai Ia Noho Mauri Namona Ia Hadikaia Tuarina

1914

LAGANI 2000 ia laloa neganai, The Orlando Sentinel niuspepa ena toretore tauna, Charley Reese, be inai ia torea: “Lagani 1914-18 tuarina ese lagani 1800 murinai ia noho mauri namona ia hadikaia bona unai tuari be ia do ore lasi.” Ena hereva ena anina be dahaka? Ia gwau: “Tanobada dekenai idia vara gaudia be deit ese ia biagudia lasi. Lagani 1800 murinai negana​—⁠anina be idia abidadama henia gaudia, idia abia dae gaudia, edia lalohadai, bona kara​—⁠be Jan. 1, 1901 ai ia doko lasi. Ia be lagani 1914 ai ia doko. Unai murinai inai nega, ena anina danu be unai nega ena hegeregerena, ia matamaia. . . .

“Kahirakahira iseda mauri ibounai lalonai idia vara hekwakwanai iboudiai be unai tuari amo idia mai. Unai tuari amo kahirakahira iseda nega lalonai idia noho kara bona diba idauidau ibounai idia vara. . . .

“Lau laloa dika bada ia havaraia badina taunimanima ese idia abidadama henia gauna, idia laloa edia vaira negana idia abia hidi diba lalohadaina, ia hadikaia. . . . Unai tuari ese taunimanima ia doria unai lalohadai idia rakatania totona. Tuari besedia kahana kahana dekenai idia laloa lasi unai bamona tuari do ia vara. Britain bona France tanodia edia basileia ia hadikaia. Britain, France bona Germany edia tatau namodia ia hamasea ore. . . . Nega kwadogina lalonai taunimanima milioni 11 ia hamasedia ore.”

Lagani 120 mai kahana lalodiai, Iehova ena Witness taudia idia gwau lagani 1914 be Iesu ese ia gwauraia “idau bese edia nega” ena dokona. (Luka 21:24) Unai lagani lalonai, ia toreisi lou vadaeni bona hairai ia abia Iesu Keriso be guba Basileiana lalonai King ai ia lao. Unai Basileia amo, Iehova Dirava ese inai nega lalonai idia vara hisihisi ibounai do ia haorea momokani.​—⁠Salamo 37:​10, 11; Hadibaia Tauna 8:9; Apokalupo 21:​3, 4.

[Picture Credit Line on page 32]

U.S. National Archives photo