“Kingdom Hall Dekenai Lau Lao”

Koledi ta ena stiuden ta, ladana Laura,a dekenai idia henia gaukarana be tomadiho orea ta edia hebou dekenai do ia lao bona ia davaria gaudia edia sivarai do ia torea. Ia ese Iehova ena Witness taudia edia orea ia abia hidi, bona ena sivarai ena sinado ia gwauraia, “Kingdom Hall Dekenai Lau Lao.” Laura be Witness taudia dekenai dahaka ia itaia bona unai be idau? Ia gwauraia gaudia momo lalonai inai gaudia danu ia gwauraia.

Natudia: “Natudia ibounai be taunimanima badadia ida unai ruma tamona lalonai. Lau lao henia dubu iboudiai dekenai, natudia be edia tama sina idia rakatania bona idia lao Sunday Sikuli.”

Bese idauidau idia lalo-tamona: “Nega momo, dubu idauidau ese bese eiava orea tamona taudia idia veria mai. . . . To, Iehova ena Witness taudia ibounai be idia helai hebou bona ta ta ena orea ai idia helai lasi.”

Heabidae mamina: “Taunimanima momo idia mai bona lau idia hereva henia. . . . Haida be lau idia nanadaia danu, bema lau be ta ida Baibel ai stadilaia eiava. To, lau itaia idia ese lau idia doria lasi. Idia laloa . . . unai be lau ese do lau abia hidi gauna.”

Moni idia gogoa lasi: “Lau hoalaia gauna ta be ta ese moni ia gogoa lasi. . . . Lau lao henia dubu idauidau dekenai, natudia edia klas dekenai moni idia gogoa danu.”

Tanobada hegegemadai, Iehova ena Witness taudia edia kongregesen ibounai kahirakahira 90,000 idia noho. Oiemu gabu kahirakahira dekenai ia noho gauna dekenai oi lao diba.

[Footnote]