Baibel Hariharilaia Laganina Badana

HARI taunimanima momo ese Baibel idia abia, guna be unai bamona lasi. Unai be United Bible Societies amo ia mai ripotina ta ese ia hahedinaraia, badina lagani 1998 lalonai idia hariharilaia Baibel ese 500,000 bamona amo lagani 1997 ai idia hariharilaia Baibel edia namba ia hanaia. Baibel​​—⁠ibounai eiava kahana sibona​​—⁠585,000,000 bamona be tanobada hegegemadai idia hariharilaia. Unai ripoti ia gwau: “Ia be hagoadaia gauna ta. Hari taunimanima momo be Dirava ena Hereva idia abia.”

Momokani, ta ese Baibel ia abia sibona bona ia duahia be mai edia idau. Hegeregere, tahua karana ta ese ia hahedinaraia America taudia 90 pesen ia hanaia be mai edia Baibel, bona idia abia dae Baibel be taravatu goevadia hadibaia bukana namona ta. To, 59 pesen sibona idia gwau Baibel dekenai heduru idia tahua. Bona 29 pesen idia gwau, idia ese Baibel “sisina” idia diba eiava idia “diba lasi.”

Iehova ena Witnes taudia ese Baibel idia printaia bona hariharilaia sibona lasi, to tano 230 bona ma haida lalonai idia ese davana lasi Baibel stadi idia karaia. Tanobada hegegemadai taunimanima milioni momo be unai bamona Baibel hadibaia karana amo namo bada idia abia. Idia durudia hari inai negai idia davaria hekwakwanai idia haheaukalaia totona, bona Baibel ese ia gwauraia vaira negana namona Dirava ena Basileia henunai idia dibaia.​​—⁠Isaia 48:​17, 18; Mataio 6:​9, 10.

[Pictures on page 32]

(Ataiai laurina kahana amo ia lao idibana kahana) Bolivia, Ghana, England, bona Sri Lanka dekenai idia karaia Baibel stadi