Iehova Ia Laloa Bada Henia Karana

Henunai ia noho revarevana be Iehova ena Witnes taudia edia brens opesi Mozambique dekenai ese idia abia:

“Lau be lagani 7 merona ta. Praimeri sikuli dekenai lau do lao noho. Kokoroku natuna ta lau ubua amo lau abia moni lau siaia inai. Lau hoihoilaia bona 12,000 Meticais [$1.00, U.S.] lau abia. Iehova lau tanikiu henia badina nega ginigunana lau ubua kokoroku natuna be kokoroku tau ai ia halaoa. Lau ura egu harihari gauna umui gaukaralaia Iehova ena Basileia gaukarana totona.

“PS: Lauegu tamana ese lau ia durua inai revareva lau torea totona.”

Taunimanima haida idia laloa hariharibada karana be kohu momo taudia edia kara sibona. To, Baibel lalonai moni udaia mauana lalonai “moni maragidia rua ia udaia” vabu ena sivarai ita duahia neganai, ita lalo-parara hariharibada karana be ta ena kohu ena bada amo lasi, to ena kudouna ena mamina namona amo ia vara.​​—⁠Luka 21:​1-4.

Iehova be harihari gaudia ibounai ia laloa bada, herevana idia maragi, bema ta ese mai ena kudouna ibounai ida lalokau ese ia doria dainai ia henia. Bona iena hariharibada karana idia tohotohoa taudia ese iena Basileia totona edia nega, goada, o kohu idia gaukaralaia taudia ia hanamoa bada.​​—⁠Mataio 6:​33; Heberu 6:​10.