Basileia Haroro Ripoti

Idia Davaria be Auka Taudia Idia Tahua Noho

IEHOVA ENA WITNES TAUDIA be idia gaukara goada noho, Basileia ena sivarai namona be taunimanima iboudiai dekenai idia herevalaia totona. Nega haida, ruma dekenai nega momo idia noho lasi taudia hereva henia totona idia hekwarahi bada. (Mareko 13:10) South America ena tano ta ai, spesel painia gaukara ia karaia tadikaka ta ese unai bamona ia karaia, ia dekenai ia vara ekspiriens ia gwauraia.

“Nega ta lau kamonai, gavana be lau bona egu adavana ai noho gabuna do ia vadivadi henia. Ia be ruma dekenai nega momo ia noho lasi tauna ta dainai, lau ese ia dekenai revareva ta lau torea bona ia lalonai Baibel idia herevalaia buka haida lau udaia, hegeregere Dirava Ia Ura Dahaka Ita Karaia? buklet bona Mankind’s Search for God bona Diba ese Mauri Dekenai Ita Ia Hakaua Lao bukadia. Lau egu revareva ese unai Baibel bukadia ta ta edia anina ia gwauraia hedinarai.

“Lau ura bada iena lalohadai unai bukadia dekenai lau diba dainai, ia lau noia bema ia lau hedavari henia diba. Pura haida idia ore murinai, ia amo gwaumaoro lau abia, bona vidio ta, Jehovah’s Witnesses​​—⁠The Organization Behind the Name, ena kopi ta lau abia lao. Ena gabu ai, hora rua bamona ai noho hebou. Gavana ida unai vidio ai itaia murinai, lau nanadaia dahaka ia laloa. Ia haere: ‘Tanobada lalonai emui orea bamona oreana ma ta ia noho lasi! Lau ura umui bamona taudia ese lau idia durua, lau egu gavamani ena gaukara lau karaia haorea totona!’ Bena lau ia nanadaia bema guna iseda tanobada hegegemadai oreana ena hedikwota dekenai lau lao, eiava. Ia lau hamaoroa emai hedikwota Brooklyn, New York, dekenai lau do vadivadi henia lasi, dala ia kehoa lasi dainai, ena be lauegu mauri lagani be 14 negana amo unai lau lalohadailaia. Unai be lau davaria be auka ura gauna ta. Nega sisina lalonai lau ia itaia namonamo. Bena lau ia hamaoroa, ia ura do lau lao diba. Ia ese ai dekenai aiemai lao ena gwaumaoro pepadia bona peleini tiketi ia henia harihari gauna ta bamona!

“Hari, gavana be hanaihanai Gima Kohorona bona Noga! magasin ia abidia noho. Ai ura, kahirakahira ia danu Baibel stadi ta do ai hamatamaia diba.”