Oi Ai Boiria . . .

Dirava be Ia Lohia Noho, A?

TANO mareremarere, mase idia havaraia goreredia, dagi bada taudia idia kara gageva, terorist karadia, tuari, bona taravatu utua karadia. Kahirakahira dina ibounai, unai bamona hekwakwanai be nius dekenai ita kamonai loulou. Herevana unai hekwakwanai dainai oi lalohisihisi eiava lasi, to reana oi daradara, tanobada ai be dahaka do ia vara bona gau ibounai do idia namo lou eiava lasi.

Unai dainai, taunimanima durua totona, tano 200 mai kahana ai, Iehova ena Witnes taudia be tok ladana “Dirava be Ia Lohia Noho, A?” be nega korikori ai do idia henia. Unai tok ese Baibel amo Dirava ena hereva eiava gwauhamata inai henanadai badadia dekenai do ia haerelaia, hegeregere:

Dirava be tanobada ai idia vara gaudia ia laloa eiava lasi?

Ia ese taunimanima ia laloa bada, a?

Ia ese emu namo ia laloa bada, a?

Gabu momo dekenai, unai tok be Sunday, April 30, 2006 ai do idia henia, Iehova ena Witnes taudia edia Kingdom Hall dekenai. Emu gabu dekenai idia noho Witnes taudia be mai moale ida oi dekenai hebou ena nega bona adres do idia hadibaia.

Oi ai boiria Baibel amo do idia henia davana lasi tok namona oi kamonai henia totona, badina ia ese inai henanadai do ia haerelaia: Dirava be Ia Lohia Noho, A?