Russia Ane Lalonai Dirava Ena Ladana Ia Noho

LAGANI 1877 ai, ane torea tauna ta ladana Modest Mussorgsky ese ane ta ia torea bona unai ane lalonai Baibel ena tano idauidau ena sivarai ia anelaia. Ena turana ta dekenai revareva ia torea neganai, ia gwau: “Lau ese ane ta lau torea bona unai ane ena ladana be Jesus Navinus [Iosua]. Unai ane ese Baibel ena sivarai ia badinaia bona Navinus be Kanana tanona ai ia vareai bona tuari idauidau ai ia kwalimu sivaraina idia anelaia.” Mussorgsky ese ane ma haida hegeregere “Senakeriba Idia Hadikaia” anena ia torea neganai, ia be Baibel ese ia herevalaia taudia bona tanodia edia sivarai ia hahedinaraia danu.

Mussorgsky ese inai ane, “Jesus Navinus” bona lagani 1874 ai ia torea anena “Senakeriba Idia Hadikaia” lalonai, ia ese Russia gado ai Dirava ena ladana ia torea. Heberu Revarevadia lalonai unai ladana be leta foa amo​—⁠יהוה (YHWH)⁠​—⁠​nega 7,000 ia hedinarai.

Mussorgsky ese ia torea anedia ese idia hahedinaraia lagani 1900 be do lasi neganai, Russia taudia be Dirava ena ladana, Iehova, idia diba. Unai ese Iehova ena hereva ia hamomokania, Mose dekenai ia gwau: “Lau egu ladana be inai, ia lao hanaihanai, gabeai ia mai nega ibounai lalonai inai bamona lauegu ladana dohore umui gwauraia.”​​—⁠Esodo 3:​15.

[Picture on page 32]

St. Petersburg Conservatory 1913 ai, Mussorgsky ena ane idia printaia gabuna

[Picture Credit Lines on page 32]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg