Hadibaia Hereva
◼ September ena henia gauna: Mauri Hanaihanai buka eiava Bible Sivarai buka, ta ena davana be K2.00.
◼ Port Moresby ena distrik hebouhebou (December 27-29, 1991) dekenai, imana dekena amo hereva ibounai do idia hahanaia taia kudima taudia do idia diba totona. Unai hebouhebou dekenai sibona unai bamona do idia karaia.
◼ Hari, video kaset matamatana umui oda diba, ena ladana be “Jehovah’s Witnesses—The Organization Behind the Name.” Mani emu kara unai oda be S-14MO Buka Oda Pepana dekenai umui torea. Ai laloa unai kaset ena davana pablisa bona iseda orea lasi taudia dekenai be K15.00 bamona, bona pioneer taudia dekenai ena davana be K12.00 bamona. Unai be controlled stock item dainai, kaset umui davaria ena hua dokonai kongregesen ese idia oda henia kaset edia davana do idia siaia Association dekenai. Unai dainai emui kongregesen tadikaka idia ura abia ena namba sibona umui oda henia. (Unai video kaset be VHS sibona dekenai idia karaia.)
◼ Hari, oda umui siaia diba idia printaia lou lagani 1980-1985 Watchtower bound volume umui abia totona. Mani emui kara, unai oda be S-14MO ena Buka Oda Pepana dekenai umui torea. Unai buka idia ore neganai haida do idia printaia lou lasi, unai dainai emui laiberi umui sekea namonamo. Unai volume be controlled stock item gaudia, unai dainai pablisa idia ura abia ena namba sibona do umui oda henia.
◼ October ena henia gauna: Gima Kohorona sabskripsen, davana be K6.00.
◼ November ena henia gauna: New World Translation Bible bona Dirava Momokani Tamona Tomadiho Henia mai Lalo-Tamona Danu buka, davana be K4.30, eiava buklet ta, ena davana be toea 30. (Sikuli buklet do umui hariharilaia lasi.)
◼ September be 1992 ena hesiai lagani ena hua ginigunana. Bema Bible stadi ta oi do abia lasi, oi guriguri noho unai lagani lalonai Bible stadi ta do oi abia totona, a?
◼ Gima Kohorona bona Wastaua magasin be kala 4 dekenai idia karaia dainai umui moale, a? Namona be umui hegaegae October dekenai heduru pioneer gaukara umui karaia totona, badina unai hua ena henia gauna be Gima Kohorona sabskripsen.