Egu Hereva Lau Haidaua Momo be Namo, A?

Iseda Basileia Gaukara pepa ta ta iboudiai dekenai, haroro gaukara lalonai ita kikilaia diba Baibel herevadia idia torea hedinarai. Idia goada pablisa taudia momo idia ura dikadika lalohadai matamatadia bona haroro dala idauidau idia diba. Hua ta ta iboudiai unai taudia durudia totona, Iseda Basileia Gaukara pepana lalonai heduru hereva idia torea.

To, reana oi laloa emu hereva dalana oi haidaua momo be namo lasi. Reana hua ta ta iboudiai hora haida sibona dekenai ruma-ta-ruma-ta gaukara dekenai oi haroro diba. Reana nega sisina daudau, oi kikilaia herevadia oi manadalaia, bona unai dala amo taunimanima oi durudia diba vadaeni. Reana oi manadalaia Baibel siri haida be Salamo 37:​9-11, 2 Petero 3:​13, Apokalupo 21:4, bona ma haida. Bema unai bamona, namo lasi oiemu hereva oi haidaua bona hereva ma ta oi kikilaia. Ita ura Basileia ena helaro taunimanima dekenai ita harorolaia, bona ita ura ita durudia bena do idia diba dahaka do idia karaia Iehova ena hahenamo do idia davaria totona. Bema Buka Helaga Herevalaia bukana amo hereva namodia oi davaria bona unai hereva oi gaukaralaidia neganai taunimanima idia kamonai namonamo, oi daradara lasi, oi gaukaralaidia.