Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • km 4/97 rau 1
  • Diba Lasi Taudia Durua

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Diba Lasi Taudia Durua
  • Iseda Basileia Gaukara—1997
  • Inai Bamona Atikol
  • Dirava Ena Sivarai Namona! Buklet Gaukaralaia Dalana
    Iseda Basileia Gaukara—2013
  • Dahaka Ita Karaia? Buklet amo Stadi Oi Hamatamaia Toho, A?
    Iseda Basileia Gaukara—2002
  • Buklet Idauidau amo Basileia Ena Sivarai Namona Ita Harorolaia
    Iseda Basileia Gaukara—1996
  • Tulu Matamatana ta Taunimanima Durua Bena Dirava Ena Ura Idia Diba Totona
    1997 Gima Kohorona Iehova Ena Basileia Ia Harorolaia
Ma Haida Itaia
Iseda Basileia Gaukara—1997
km 4/97 rau 1

Diba Lasi Taudia Durua

1 Ma haida be hahediba taudia halaoa gaukarana amo Dirava ia ura dahaka idia karaia ita hadibaia. (Mat. 28:​19, 20) Tanobada hegegemadai Witness taudia milioni ima mai kahana idia gaukara goadagoada unai idia karaia totona. Unai gaukara ai ita kwalimu be ita haorea hora eiava ita hariharilaia buka bona magasin, eiava ita hamatamaia Baibel stadi karana amo lasi. Anina bada gauna be taunimanima ese diba idia abia bona idia diba gaudia idia badinaia.

2 Ma haida be lauma dalanai ita durua ena anina ta be “diba lasi taudia” ita hadibaia idia lalo-parara totona. (Sal. 119:130) Taunimanima ese hereva ena anina idia “diba” neganai sibona edia kudouna ita hamarerea bona veria diba. (Mat. 15:10) Iseda gaukara ia bada ia lao bona ita goadalaia neganai, ita diba momokani namona be auka lasi dalanai taunimanima ita hereva henia bona idia ita hadibaia. Unai dainai Society ese Dirava Ia Ura Dahaka Ita Karaia? buklet ia halasia. Unai buklet lalonai be Baibel ena hahediba hereva badadia edia stadi kosi namona ia noho. Kahana ta ta be kwadogi, auka lasi dalanai idia torea, bona ita lalo-pararalaia be haraga, unai dainai taunimanima momo ese idia ura henia.

3 Unai buklet be do ita hariharilaia April bona May hua lalodiai, iseda henia gauna Gima Kohorona sabskripsen ida. Namona be emu gaukara pura totona oi hegaegaelaia neganai, magasin gaukara be Saturday ai oi karaia, to pura orena ai haroro gaukara lalonai namona be sabskripsen bona buklet do oi hariharilaia. Buklet oi henia diba guna magasin bona buka idia abia taudia dekenai, herevana sabskripsen idia abia eiava lasi. Laloaboio lasi, buklet gaukaralaia karana be mai anina bada, natudia, idau gado taudia, bona duahiduahi idia diba namonamo lasi taudia hadibaia totona.

4 Auka Lasi Hamatamaia Dalana Gaukaralaia: Dahaka Ita Karaia buklet oi gaukaralaia neganai, rau 2 oi kehoa bona oi hahedinaraia “inai buklet be Baibel stadi kosi ta hegeregerena ai ai karaia.” Paragraf 3 rau 3 amo oi hahedinaraia dahaka dainai ia ese Baibel ia stadilaia be namo. Ena lalona oi veria kahana haida edia ladana idia hahedinaraia auka lasi Baibel hereva momokanidia amo. Oi hahedinaraia edena bamona inai buklet dainai diba abia karana ita moalelaia diba, bona oi hamaoroa oi ura ia dekenai heduru oi henia.

5 Stadi Namona ta Oi Karaia: Iseda ura gauna be Baibel stadi ita karaia sibona lasi, to ita ura taunimanima be tomadiho momokani idia goadalaia hahediba taudia ai do idia lao. Unai buklet be pura haida lalonai ita haorea diba bena maoromaoro Diba bukana amo stadi ita hamatamaia. (Futnout rau 31 dekenai itaia.) Stadi hamatamaia negana amo, stadi tauna oi durua Iehova ena orea do ia diba. (Herevalaia bukana, rau 318 itaia.) Kongregesen hebouhebou edia namo oi herevalaia, bona oi hahedinaraia hebouhebou lao henia karana ese ia do ia durua tomadiho momokanina badinaia karana do ia dibaia namonamo totona.​—Heb. 10:​24, 25.

6 Unai gaukara namona do ita karaia goadagoada April bona May hua lalodiai dainai, kudou-maoro taudia be mauri ia henia “laloa kehoa” idia abia totona ita durua gaukarana amo ia mai moalena do ita abia.​—Aon. 4:5.

    Hiri Motu Pablikeisen (1987-2026)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia