Haroro Sikuli Ena Henanadai

Haroro Sikuli ena henanadai January 6 ia lao April 21, 1997, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.

Henuna hereva oi gwauraia Momokani eiava Koikoi:

1. Kara 15:29 dekenai inai hereva “Bamahuta” Greek gado ai ena anina be, ‘Bema rara umui ania lasi bona heudahanai karadia umui karaia lasi, tauanina dekenai gorere do ia noho lasi.’ [4, Wiki ta ta ena Baibel duahiduahi; w91-E 6/15 rau 9 par. 7 futnout itaia.] Koikoi. Ia be revareva ena dokona herevana sibona, “Bamahuta” herevana hegeregere.

2. Paulo ese Keristani taudia Korinto ai edia namo ia tahua dainai, iena misinari laolao iharuana ia karaia noho neganai, ia ese iena revareva ginigunana idia dekenai ia torea. [15, si-MO Apr. 13 par. 3] Koikoi. Paulo ese iena misinari laolao ihatoina ia karaia noho lalonai unai revareva ia torea.

3. Aigupito taudia idia laloa Horus, ena kwarana be manu ena kwarana diravana, be Farao lalonai ia mauri. [2, w96-MO 1/15 rau 24 par. 1] Momokani.

4. Hereva ta “simony” be Kara 8:9-24 ena hereva amo ia mai, bona ia be meamea karaia karana ia gwauraia. [1, Wiki ta ta ena Baibel duahiduahi; w91-MO 2/1 rau 17 par. 8 itaia.] Koikoi. Unai hereva “Simony” be “dubu ena dagi eiava dubu ena siahu ta hoia karana” ia gwauraia. Simona ia ura aposetolo taudia dekenai moni ia henia siahu ia abia totona, vadaeni taunimanima dekenai iena imana do ia atoa bena lauma helaga idia abia diba.

5. Roma 8:6, 7 dekenai, unai hereva “tauanina” ese ita goevadae lasi taudia mai eda ura dikadia ia gwauraia. [12, Wiki ta ta ena Baibel duahiduahi; w91-E 3/1 rau 21 par. 4 itaia.] Momokani.

6. Gabeai Iehova ese uiti bona uma ena anina ma haida ia abia dae dainai, toana be Kaino ena lalona ai gau ta ia dika dainai Iehova ese ena boubou gauna ia abia dae lasi. (Gen. 4:3-5) [8, w96-MO 6/15 rau 4 par. 8] Momokani.

7. Keristani tauna ese iena mauri dekenai Baibel ia gwauraia kara maorodia ia badinaia neganai, Iehova ena Hereva ese ia hagoevaia, iena kara dika, Iehova Dirava ese ia inai henia karadia, “ia huria goeva.” (1 Kor. 6:9-11) [1, w96-MO 1/1 rau 30 par. 4] Momokani.

8. Aposetolo Paulo ese Stepana ena ruma bese taudia ia bapatisoa Korinto dekenai. [11, w96-MO 6/15 rau 29 par. 3] Momokani.

9. Kara 20:20 dekenai, inai hereva “emui ruma dekenai” be tadikaka idia durua totona edia ruma dekenai idia vadivadi henidia karana ia herevalaia, badina be Kara karoa 20 ena hereva ma haida ese ia hahedinaraia Paulo ese ekalesia gunalaia taudia ia hereva henidia. [6, Wiki ta ta ena Baibel duahiduahi; w91-E 1/15 rau 11 par. 5 itaia.] Koikoi. Kara 20:21 ese ia hahedinaraia Paulo be abidadama lasi taudia huanai ruma-ta-ruma-ta gaukara do idia karaia ia herevalaia. Badina be unai taudia do idia helalo-kerehai bona Iesu dekenai idia abidadama be namo.

10. Bema iseda lalona ai hanaihanai lauma gaudia ita laloa bada, bona ita guriguri Dirava ena lauma helaga ese ita ia durua unai ita karaia totona, ‘tauanina dekenai do ita laloa’ lasi. (Roma 8:6, 7) [12, Wiki ta ta ena Baibel duahiduahi; w91-E 3/1 rau 21 par. 5 itaia.] Momokani.

Henuna henanadai oi haerelaidia:

11. Edena sivarai Kara ena buka dekenai ese ia hahedinaraia Dirava ena Hereva ita abia bona ita duahia sibona be hegeregere lasi diba maoromaorona ita abia totona, bona mauri ia lao henia dalana dekenai do ita raka totona? [1, Wiki ta ta ena Baibel duahiduahi; w91-MO 9/1 rau 19 par. 16 itaia.] Kara 8:​27-​38.

12. Dahaka ese ita ia koua iseda Keristani tadikaka ita hahemaoro henidia lasi totona? [5, w96-MO 3/15 rau 22 par. 5] Mai ena hebogahisi ida Dirava ia hahemaoro karana ita laloa bada bona siboda eda manoka ita laloa mai eda momokani ida. (Unai bamona hereva ia hegeregere)

13. Kara 11:26 ai, dahaka dainai New World Translation Baibel ese inai hereva “Dirava ena amo ladana idia hatoa Keristani” idia gaukaralaia, to ma Baibel haida be “Dirava ena amo” lalohadaina idia hahedinaraia lasi? [3, Wiki ta ta ena Baibel duahiduahi; w91-MO 2/1 rau 20 par. 19 itaia.] Iehova ia ura edia ladana idia hatoa Keristani, badina Greek gado dekenai, unai hereva “khre·ma·tiʹzo” idia hahanaia “Dirava ena amo ladana abia” bona Baibel lalonai idia torea, Dirava ena amo idia mai karadia idia herevalaia neganai. (Unai bamona hereva ia hegeregere)

14. Dahaka ese Keristani hahine ta do ia durua iena adavana ia matauraia bada totona? (Ef. 5:​33) [4, w96-MO 3/1 rau 21 par. 5] Namona be ia diba ena tau be mai ena dagi, Dirava ese ia henia gauna, bona iena adavana ia matauraia bada karana be ena tomadiho karana ta, Iehova ia kamonai henia dainai ia karaia. (Unai bamona hereva ia hegeregere)

15. Kara 17:11 ese ita ia hagoadaia edena bamona stadi dalana ita badinaia, ita sibona eda stadi karana dekenai? [9, si-MO Mar. 2 par. 38] Hanaihanai, Baibel ita stadilaia goadagoada, unai amo iseda abidadama do ia goada.

16. Paulo ese Roma Keristani taudia dekenai ia torea revarevana lalonai dahaka ia hahedinaraia Iuda taudia bona Iuda lasi taudia dekenai? [10, si-MO Mar. 9 par. 2] Paulo ia hahedinaraia Dirava vairanai idia be hegeregere bona Mose ena Taravatu badinaia karana amo lasi, to Iesu abidadama henia karana amo bona Dirava ena hariharibada dainai idia ia gwauraia maoro.

17. Roma 12:2 ena hereva hegeregerena, Dirava ena Hereva ena siahu amo Keristani taudia be edena bamona edia kara idia haidaua? [13, Wiki ta ta ena Baibel duahiduahi; w90-MO 12/1 rau 16 par. 3 itaia.] Roma 12:2 dekenai Greek gado herevana idia hahanaia “idau momokani” be inai hereva “me·ta·mor·pho’o” amo. Ia hahedinaraia gau ta be ia idau vaitani, rautuna be kaubebe ai ia lao bamona. (Unai bamona hereva be hegeregere)

18. Roma 11:25 dekenai Paulo be “hunia herevana” ia herevalaia, ena anina be dahaka? [13, Wiki ta ta ena Baibel duahiduahi; w83-E 8/15 rau 16 par. 16 itaia.] Ena anina be Iuda lasi taudia do idia hamomokania idia be Iuda taudia lauma dalana ai, Iuda bese taudia ena kahana, “Dirava ena Israela momokani orea taudia.” (Gal. 6:​15, 16; Roma 2:​28, 29; 4:16)

19. Dahaka dainai Keristani kongregesen ese kerere idia karaia bona idia helalo-kerehai lasi taudia idia atoa murimuri ai be ia maoro? (1 Kor. 5:​11, 13) [16, Wiki ta ta ena Baibel duahiduahi; g96-E 9/8 rau 27 par. 2-3 itaia.] Keristani kongregesen ese kerere idia karaia bona idia helalo-kerehai lasi taudia idia atoa siri be maoro badina be namona be kongregesen be roho mauri gabuna matabodaga taudia bona mai edia ura ida kara dika idia karaia taudia amo. Unai kara ese kara dika ia karaia tauna ia koua iena kara dika kongregesen lalonai ia habadaia lasi totona, bona kongregesen ena ladana namona ia naria.

20. Edena dala ai oi ia inai henia tauna ena kwarana latanai lahi gidadia oi haboua ese oi ia durua dika oi halusia totona? (Roma 12:​20, 21) [13, Wiki ta ta ena Baibel duahiduahi; g86-E 1/22 rau 6 par. 5 itaia.] Idau negai lahi gabudia ai idia haboua lahi gidadia ese nadi amo auri ia havevea oho bamona, bema oi dekenai kara dika ia karaia tauna dekenai kara namo oi karaia reana iena badu do oi koua bona havevea oho. Unai amo iena kara dika oi halusia.

Henuna herevadia dekenai idia torea lasi herevadia oi torea:

21. Filipo ese Etiopia eunuko tauna dekenai Isaiah 53:​7, 8 ia hagugurua vadaeni peroveta herevana ia herevalaia, bena ia lalo-parara murinai, inai tau be mai manau ida ia noinoi bema bapatiso ia abia diba. (Kara 8:​28-35) [9, si-MO Mar. 2 par. 33]

22. Kopina utua karana idia hepapahuahulaia neganai, Iamesi ese iena abia hidi dalana ia hamomokania, ia gwau: “Inai hereva be peroveta taudia edia hereva hegeregere, inai bamona ia torea.” (Kara 15:​15-18) [4, Wiki ta ta ena Baibel duahiduahi; si-MO Jan. 26 par. 33 itaia.]

23. Manau ese ita ia durua bena ‘ita laloa, “haida be idia namo herea, to ita be namo lasi.” ’ To lalo-manau ese ita ia durua badu negadiai ita “haheauka” totona. (Fil. 2:3; 2 Tim. 2:​24, 25) [7, w96-MO 5/15 rau 21 par. 5]

24. Roma karoa 11 dekenai, Paulo ese ena olive auna parabolena amo ia hahedinaraia Israela ena iduhu 12 ena badina be Aberahamo, idia be Isako ena amo idia mai; unai hegeregerena, iduhu 12 ia laulaulaia gauna lauma Israela ena badina be Iehova, idia be Iesu ena amo idia mai. [13, Wiki ta ta ena Baibel duahiduahi; w83-E 8/15 rau 16 par. 15 itaia.]

25. Iehova ese Parana ena Tano Gagaena dekenai Israela taudia ia naria hegeregerena, ia ese ita ia naria diba inai lauma dalanai tano gagaena tanobadana lalonai. [13, w96-MO 8/15 rau 7 par. 1-2]

Henuna herevadia dekenai haere maorona oi abia hidi:

26. Iena hereva ai, Kara karoa 17 dekenai, Paulo ese mai manau ida mauri Diravana ena (lohia siahuna; kara maoromaoro; lalokau) ia hamomokania. [5, Wiki ta ta ena Baibel duahiduahi; si-MO Feb. 2 par. 37 itaia.]

27. (Paulo; Petero; Luka) ese (Berea; Makedonia; Ierusalema) taudia ia hanamoa, badina be idia ese Buka Helaga idia tahua goadagoada. (Kara 17:11) [5, Wiki ta ta ena Baibel duahiduahi; w95-MO 5/1 rau 14 par. 3 itaia.]

28. Hereva koikoi, Roma 1:25 ese ia herevalaia gauna be (kaivakuku tomadiho henia karana; lebulebu karadia, koikoi karana). [10, Wiki ta ta ena Baibel duahiduahi; w91-MO 11/15 rau 6 par. 6 itaia.]

29. Momokani, nega momo (taunimanima; Dirava bona Keriso; Satani bona demoni) edia kerere dainai dika idia vara. [16, w96-MO 9/1 rau 5 par. 3]

30. Lagani (52; 55; 56) C.E. bamona ai, Paulo be (Roma; Efeso; Korinto) dekenai ia noho neganai, iena revareva ginigunana Korinto taudia dekenai ia torea. [15, si-MO Apr. 13 par. 3]

Henuna herevadia dekenai siri maorona oi abia hidi:

Aon. 17:27; Had. 9:11; Mat. 10:16; Kara 10:​34, 35; 2 Kor. 4:18

31. Ita be Iehova ena hesiai taudia dainai, namona be iena lalohadai idau bese taudia iboudiai dekenai ita abia. [Kara 10:​34, 35] [2, Wiki ta ta ena Baibel duahiduahi; w88-E 5/15 rau 16 par. 6 itaia.]

32. Namona be iseda noho dalana hari inai nega lalonai ita laloa momo lasi, to iseda Keristani dalana dainai do ita abia mauri namona ita raraia noho be namo. [2 Kor. 4:​18] [3, w96-MO 2/15 rau 27 par. 3-4]

33. Lalo-parara bona tadikaka lalokau henia karana ese ita idia durua do ita haheauka bena hadikaia herevadia do ita gwauraia haraga lasi. [Aon. 17:27] [7, w96-MO 5/15 rau 22 par. 7]

34. Keristani taudia momokanidia be dagedage idia davaria neganai, aonega bona kara goeva idia gaukaralaia be namo, Basileia ena sivarai be ma haida dekenai idia harorolaia totona. [Mat. 10:16] [12, w96-MO 7/15 rau 22 par. 4]

35. Dirava ese aksiden ia havaraia eiava aksiden lalonai bero idia davaria taudia be ia ese ia panisidia lalohadaina be mai ena badina lasi. [Had. 9:​11] [16, w96-MO 9/1 rau 5 par. 4]