Oi Karaia Karadia be Edena Bamona?

Hesiai lagani matamatana ia matamaia negana be nega namona ita karaia karadia do ita tahua totona. Lagani gunanai ita karaia karadia ita tahua neganai, dahaka ia hahedinaraia? Iseda haroro gaukara ita goadalaia noho, eiava ita hanamoa, a? Reana sibona eda stadi karana ita hanamoa. Reana hebou momo ita reaia lasi eiava heduru painia gaukara amo iseda haroro horadia ita habadaia. Reana ita gwau diba kongregesen eiava ruma bese lalonai Keristani hebogahisi karadia ita karaia. Bema unai bamona ita karaia, do ita moale badina unai kara ese Dirava ia hamoalea, bona badina namona ia noho dainai ‘unai kara namodia do ita habadaia.’​—1 Tes. 4:1.

To, bema ita hegaegae namonamo lasi eiava nega haida sibona ita hegaegae be edena bamona? Lauma dalanai iseda goada be edena bamona? Lauma dalanai iseda tubu dalana ia koua sisina, a? Iseda kara do ita hanamoa totona, Iehova ita noia ita ia durua. (Fil. 4:​6, 13) Namona be emu ruma bese taudia ida oi manokalaia karana oi kikilaia, bona unai kara hanamoa totona, edia heduru oi tahua. Bema hekwakwanai haida oi davaria, elda taudia eiava sekit naria tauna dekenai oi lao heduru oi abia totona. Bema ita goada karaia bona Iehova ena hakaua dalana ita badinaia, ita diba ‘do ita noho kava lasi, to iseda gaukara be mai anina.’​—2 Pet. 1:​5-8.

Lauma dalanai oi hegaegae noho neganai, hahenamo momo do oi davaria bona unai neganai oi diba oi hekwarahi be mai ena namo. Emu lalona oi hadaia do oi hegaegae noho lauma dalanai do oi tubu namonamo totona, bona oi ‘gaukara goada. Gaukara lalonai do oi lahedo lasi. Iehova ena gaukara do oi karaia mai emui lalona ibounai ida.’ (Roma 12:11)​—Unai sivarai dekenai hereva ma haida do oi diba totona, Watchtower, May 1, 1985, rau 13-17 oi itaia.

This is a partial repeat of article in km 9/94 “Hegaegae Noho Lauma Dalanai Oi Tubu Namonamo Totona,” par. 9-11, which was taken partly from km-E 8/94 “Keep Walking Progressively in an Orderly Routine,” par. 11-21.