Dirava Tomadiho Henia Bukana Gaukaralaia Baibel Stadi Karaia Totona
Dirava Momokani Tamona Tomadiho Henia bukana idia karaia ena badina be, kamonai matamata taudia do ia durua hereva momokani lalonai idia goada idia lao bona Iehova bona ena orea idia laloa bada totona. Unai buka be Baibel stiuden taudia ida umui stadilaia diba buka iharuana. June 2000 Iseda Basileia Gaukara, rau 4, ia gwau: “Bema oi itaia unai tauna be ia goada ia lao, ena be unai ia karaia metairametaira, bona ia dibaia gaudia ia moalelaia, namona be Dahaka Ita Karaia? buklet bona Diba bukana umui haorea murinai, Baibel stadi be buka iharuana dekenai oi karaia noho. . . . To, Dahaka Ita Karaia? buklet bona Diba bukana umui stadilaia guna be namo. Ena be stiuden tauna be buka iharuana ia do haorea lasi neganai bapatiso ia abia, to unai Baibel stadi, lou henia, bona ita gaukaralaia nega ita ripotilaia diba.”
Daidia danu ese Dirava Tomadiho Henia bukana idia stadilaia karana amo namo idia abia diba? Iseda Basileia Gaukara ma ia gwau: “Bema guna [Dahaka Ita Karaia? buklet bona] Diba bukana idia stadi taudia haida oi diba to idia goada idia lao lasi bona gwauhamata bona bapatiso idia abia lasi, reana oi ura idia oi itaia bema idia ura Baibel stadi idia karaia lou.”