Hadibaia Hereva

◼ December ena henia gauna: Tau Hereadaena. Umui gaukaralaia diba buka iharuana be Buka Helaga​​—Dirava ena Hereva Eiava Taunimanima Edia?, Lau Egu Bible Sivarai Buka, eiava Mauri Hanaihanai Paradaiso Lalonai. January: Memero Kekeni​​—Moale Umui Davaria Dalana, eiava Maino Bona Noho Namona​​—Daika amo Ia Mai? Bema umui dekenai unai gaudia idia noho lasi, mani emu kara kahirakahira idia noho kongregesen amo umui sekea bema idia dekenai unai buka idia noho, umui gaukaralaia totona. Kongregesen be buka gunadia lasi neganai, reana Diba bukana idia hariharilaia. February: Apokalupo​—Ena Hagugurua Negana Ia Kahirakahira! March: Diba ese Mauri Dekenai Ita Ia Hakaua Lao. Do ita hekwarahi Baibel stadi ita hamatamaia totona. Bema ruma taudia dekenai unai buka ia noho, Daniela Ena Peroveta Herevana Oi Laloa Namonamo! bukana hariharilaia.

◼ Kongregesen ena akaun idia naria tadikaka ai hadibaia, hua ta ta ai Tanobada Ibounai Gaukarana Durua Kontribusen bona Kingdom Hall Fund Kontribusen maua lalonai idia udaia monina idia siaia totona, bona namona be unai moni idia gaukaralaia lasi Kingdom Hall ena abitorehai henia lou totona, hua ta ta ena rent totona, eiava kongregesen ena gau ma haida edia davana karaia totona.

◼ Lagani 2004 ena Memorial ena boiboi pepadia, be kongregesen dekenai kahirakahira do ai siaia. ITAIA: Unai be Kongregesen ta ta dekenai idia siaia lagani ta ta edia fom ida do idia siaia. Bema umui ura boiboi pepadia haida be emui teritori ai idia gaukaralaia gado ai do umui abia, karaharaga Literature Request Form (S-14-E Pp) ai oda umui karaia be namo.

◼ Mani umui laloatao, lagani 2004 ena Memorial be Sunday, April 4, dina ia diho murinai do ita karaia. Memorial be mai anina bada ariana dainai, namona be elda oreana ese ia manada vadaeni tadikakana ia abia hidi Memorial herevana ia henia totona, namo lasi elda ta ta be lagani ta ta ai idia henia o lagani ibounai tadikaka tamona sibona idia gaukaralaia.

◼ Elda taudia bona regula painia taudia ese lagani ta ta ai idia karaia hebouna be January eiava February lalonai do idia karaia be hegeregere. Badina bema Distrik hebouhebou ena gaukara be momo, vadaeni December lalonai hebou idia abia be hegeregere lasi.