Hadibaia Hereva

◼ September: Ruma Bese Ena Moale Havaraia Dalana bukana. October: Gima Kohorona bona Awake! magasin do ita hariharilaia. Idia kamonai neganai, mani emu kara Dahaka Ita Karaia? buklet hariharilaia, bona dala karaia stadi hamatamaia totona. November: Iehova Kahirakahira Oi Lao bukana. December: Lau Egu Bible Sivarai Buka eiava Buka Helaga—Dirava Ena Hereva Eiava Taunimanima Edia?

◼ December ai, Hesiai Hebou ta lalonai, No Blood​—Medicine Meets the Challenge vidio do ita herevalaia. Bema unai vidio kaset ta oi ura, karaharaga kongrigeisen amo oi oda be namo.

◼ Hakaua naria tauna ese hua ta ta ai Congregation Statement ia abia neganai, namona be ia hamomokania kongrigeisen ese Kingdom Hall Fund, tanobada ibounai gaukarana, bona Kingdom Hall ena gwaubou monina eiava hua ta ta ena rent davana, be Hesiai Hebou gabena ai idia duahia.

◼ Safety Inspection Work Sheet (T-34-E) be ia manada tadikaka ta (eiava bema hegeregere, Kingdom Hall Naria Komiti) ese September ta ta ai ia hahonua be namo. Bema gau haida idia hamaoromaoroa be namo, elda taudia ese unai idia karaia be namo kongrigeisen taudia edia namo totona. Sekit naria tauna be kongrigeisen ia vadivadi henia neganai, ia ese fom do ia itaia bema gau ma haida idia karaia be namo.

◼ Elda taudia ai hadibaia lou April 15, 1991, Watchtower, rau 21-3 dekenai eiava July 1991, Iseda Basileia Gaukara pepana, rau 2-5 dekenai ia noho herevana idia badinaia, bema kongrigeisen amo idia atoa siri eiava idia gini siri taudia haida idia vadivadi henidia be namo.

◼ Kongrigeisen ese Gima Kohorona bona Awake! magasin matamatadia idia abia neganai, namona be idia halasidia haraga. Unai amo pablisa taudia ese magasin do idia duahia bona dibaia namonamo guna, bena haroro gaukara lalonai idia hariharilaia diba.

◼ October ena Saturday bona Sunday be ima dainai, ia be hua namona heduru painia karaia totona.