Haheitalai Namona Taunimanima Ibounai Totona

Noa be hetura karana namona Dirava ida ia moalelaia. Ena mauri ibounai lalonai Iehova ena ura ia karaia. Ia be “Dirava momokanina ida ia raka” dainai hahenamo ia abia. Noa ena haheitalai be namo herea, taunimanima ibounai ese idia tohotohoa totona. (Gen. 6:​9, NW ) Vidio ladana, Noah​​—He Walked With God ese Noa ena noho dalana, Iehova ese ia hanamoa ena badina, bona iena kara namodia oi tohotohoa diba dalana ia hahedinaraia goevagoeva.

Noah ena vidio lalonai henanadai haida idia noho. Vidio oi itaia bena inai henanadai oi haerelaidia: (1) Aneru haida be dahaka kerere idia karaia, bona Nefilim be daidia? (Gen. 6:​1, 2, 4; NW ) (2) Dahaka dainai taunimanima edia kara be dika rohoroho, bona Dirava be dahaka ia laloa? (Gen. 6:​4-6) (3) Edena dala ai Noa be idau? (Gen. 6:​22) (4) Dirava ese kara dika taudia be edena bamona ia haoredia? (Gen. 6:​17) (5) Lagatoi ena bada be edena bamona? (Gen. 6:​15) (6) Noa be dahaka danu ia karaia, bona taunimanima edia kara be edena bamona? (Mat. 24:​38, 39; 2 Pet. 2:5) (7) Animal idauidau amo hida hida be lagatoi lalonai idia vareai? (Gen. 7:​2, 3, 8, 9) (8) Dina bona hanuaboi hida lalonai medu ia diho, bona dina hida lalonai tanobada ibounai be ranu ese ia koua momokani? (Gen. 7:​11, 12; 8:​3, 4) (9) Dahaka dainai Noa bona ena ruma bese idia roho mauri? (Gen. 6:​18, 22; 7:5) (10) Lagatoi be edeseniai ia kamokau? (Gen. 8:4) (11) Noa be edena bamona ia diba ranu ia diho vadaeni? (Gen. 8:​6-​12) (12) Lagatoi amo ia raka lasi neganai, dahaka ia karaia? (Gen. 8:​20-​22) (13) Kevau ese dahaka ia laulaulaia? (Gen. 9:​8-​16) (14) ‘Dirava ida ita raka’ ena anina be dahaka? (Gen. 6:​9, 22; NW; 7:5) (15) Paradaiso dekenai Noa ita itaia totona, dahaka ita karaia be namo? (Mat. 28:​19, 20; 1 Pet. 2:​21)

Abidadama tauna Noa ena haheitalai ese oi ia hadibaia Dirava ida oi raka noho be gau badana, bona oi diba momokani Iehova ese hari ena taunimanima ia hamauria diba.​​—Gen. 7:1; Aon. 10:16; Heb. 11:7; 2 Pet. 2:9.