Henanadai Mauana
◼ Keristani tama sina edia natudia be haroro gaukara idia karaia ela bona edena negai, bena bapatiso lasi pablisa ai idia lao diba?
Keristani tama sina idia ura edia natudia be Iehova ena lo hesiai taudia namodia ai do idia lao. (1 Sam. 2:18, 26; Luka 2:40) Ena be natudia edia mauri lagani be maragi, to Keristani ruma bese lalonai namona be natudia be sibodia edia abidadama Baibel dekenai idia gwauraia diba be namo. Natu maragidia be idia maragi lalonai, haroro gaukara dekenai edia tamana bona sinana idia bamoa neganai, lo Keristani taudia ai do idia lao haraga. To, natu maragidia be haroro gaukara idia moalelaia, bapatiso pablisa ai idia lao, bona Basileia harorolaia gaukara idia karaia noho totona, gau badana be edia kudouna ibounai amo idia ura unai idia karaia. Namona be tama sina ese idia hadibaia namonamo. (1 Tim. 4:6; 2 Tim. 2:15) Lo pablisa haida be nega haida natudia idia durua diba, bema tama sina be unai dekenai idia lalotamona.—Orea bukana, rau 82 itaia.
Mai edia hemataurai natudia be ruma ta ruma ta gaukara dekenai edia tama bona sina idia bamodia neganai, haroro gaukara ena dala idia dibaia. To, idia be bapatiso lasi pablisa ai do idia lao lasi ela bona idia sibona ese haroro gaukara idia karaia namonamo diba. Keristani tama sina be edia natudia ida idia haroro neganai, natuna be dahaka ia karaia diba idia abia hidi. Bapatiso lasi pablisa ai idia do lao lasi natudia be sibodia lou henia gaukara do idia karaia lasi, eiava ma natudia haida ida do idia haroro lasi. Tama sina ese edia natudia idia hegaegaelaia diba haroro gaukara dekenai Baibel siri haida idia duahia totona, eiava pepapepa bona magasin idia hariharilaia toho eiava ruma taudia dekenai buka eiava magasin ta ena laulau idia hahedinaraia totona. Natuna ia tubu daekau neganai, reana ena haroro herevana ia halataia sisina diba.
Tama sina ese natudia idia hadibaia namonamo bona natudia ese unai idia badinaia neganai, haroro gaukara do idia laloa bada bona mai hemataurai ida do idia karaia. Tama bona sina ese edia bapatiso lasi pablisa ai idia do lao lasi natudia be haroro hebou grup dekenai idia rakatanidia haida ese idia naria totona be maoro lasi. Edia natudia idia laloa bada tama sina idia diba edia natudia naria maduna be idia edia maduna. Momokani, kongrigeisen dekenai lo pablisa taudia haida idia ura Iehova ena hesiai gaukara idia ura karaia natudia idia durudia.
This is a repeat of article in km 12/92 taken from km-E 10/92 “Question Box.”