Iseda Buka Bona Magasin Ita Gaukaralaia Namonamo
1 Tanobada hegegemadai, taunimanima milioni momo be “hesiai tauna mai ena kamonai, bona mai ena kara maoromaoro” amo idia abia Baibel stadi bukadia idia moalelaia. (Mat. 24:45) Lagani ta ta ai, magasin bona buka momo idia karaia, unai amo kudou-maoro taudia idia durua ‘hereva momokani idia diba’ totona. (1 Tim. 2:4) Iseda buka bona magasin be edena bamona ita gaukaralaia namonamo diba?
2 Haboua Kava Lasi: Bema magasin momo ita abia, do ita hegeregere lasi unai magasin ibounai ita hariharilaia totona. Inai mai anina bada magasin bona buka be ruma dekenai ita haboua kava lasi totona, dahaka ita karaia be namo? Haroro gaukara totona magasin ita abia neganai, namona be ita laloa namonamo guna. Namo lasi magasin eiava buka momo ita abia, to tamona eiava rua sibona ita abia diba, bona unai ita hariharilaia murinai, ma haida ita abia totona ita giroa lou diba. Unai amo iseda ruma dekenai magasin bona buka momo do ita haboua kava lasi. Bona bema magasin momo be ita do hariharilaia lasi, iseda oda ita hamaragia be namo.
3 Spesel Noinoi Gaudia: Namona be spesel noinoi gaudia be kongrigeisen dekenai ita haboua kava lasi, badina ita laloa reana gabeai tadikaka o taihu ta do ia ura unai gaudia ta ia abia. Namona be inai gaudia: Deluxe Baibel, Reference Baibel, bona buka badadia ma haida hegeregere, Concordance, Index, Insight volium, bona Proclaimers buka momo herea ita oda kava lasi, badina idia be dava bada gaudia. Danu, vidio, CD-ROM, DVD, bona kaset teipi ita oda kava lasi. Namona be unai bamona gaudia ita oda neganai, ruma bese ta be tamona idia oda diba.
4 Buka Momo Idia Noho: Bema haroro naria tauna bona buka naria tauna idia itaia buka momo herea idia noho kava, kongrigeisen ena pablisa taudia idia hadibaia be namo. Unai amo idia noho kava buka eiava magasin be tadikaka bona taihu edia laiberi ai idia atoa o haroro gaukara dekenai idia hariharilaia diba. Namona be buka naria tauna be unai gabu dekenai idia noho kongrigeisen haida ia nanadaia, bema idia be magasin eiava buka ma haida idia ura. Sekit naria tauna ese ena sekit lalonai idia noho kongrigeisen eiava grup dekenai buka haida ia abia lao diba.
5 Ita ura iseda magasin amo kudou-maoro taudia ita durua Iehova ena gwauhamata namodia idia diba totona. Iesu ese hutuma be hoa dalanai ia ubua neganai, ia ese aniani orena ia negea kava lasi, unai hegeregerena ita ura iseda magasin bona buka ita gaukaralaia namonamo. (Ioa. 6:11-13) Iseda magasin bona buka lalonai idia noho hahemauri sivaraina be kudou-maoro taudia edia lalona do ia hamarerea lasi, bema iseda ruma dekenai ita haboua noho. Unai dainai, haroro gaukara totona magasin ita abia neganai, namona be ita laloa namonamo bona ita gaukaralaia namonamo ma haida ita durua totona.—Fili. 4:5.
[Study Questions]
1. Taunimanima momo be dahaka idia laloa iseda buka bona magasin dekenai, bona edena henanadai ia vara?
2. Iseda ruma dekenai magasin bona buka ita haboua kava lasi totona, dahaka ita karaia be namo?
3. Spesel noinoi gaudia totona dahaka ita laloatao be namo?
4. Bema kongrigeisen dekenai buka momo idia noho, dahaka ita karaia be namo?
5. Edena bamona ita hahedinaraia diba iseda magasin bona buka ita laloa bada?
This is a repeat of article in km 8/99 taken from km-E 5/90 “Use Our Literature Wisely.” Also repeated in km 7/03, km 12/05, km 5/06