Hadibaia Herevadia
◼ November: Baibel be Dahaka Ia Hadibaia? bukana hariharilaia. Oi hekwarahi Baibel stadi hamatamaia totona. December: Tau Hereadaena bukana hariharilaia. Bema ruma taudia idia gwau idia be mai edia natuna, vadaeni Hadibaia Tauna Badana amo Diba Ita Abia bukana hariharilaia. January: Memero Kekeni—Moale Umui Davaria Dalana, Roho Mauri, Maino Bona Noho Namona—Daika amo Ia Mai?, Dirava Momokani Tomadiho Henia, eiava rau 192 bukana ta oi hariharilaia. Bema emui kongrigeisen ai Diba ese Mauri Dekenai Ita Ia Hakaua Lao o Mauri Hanaihanai Paradaiso Lalonai Oi Abia bukana idia noho, namona be unai oi hariharilaia. Eiava Ruma Bese Ena Moale Havaraia Dalana bukana hariharilaia. February: Ruma Bese Ena Moale Havaraia Dalana bukana hariharilaia.
◼ Namona be kongrigeisen ai idia noho bapatiso taudia ibounai ese February 1996 ena Iseda Basileia Gaukara lalonai idia udaia pepana ladana “Bema Medikal Dalanai Emu Abidadama Idia Tohoa, Oi Hegaegae Vadaeni, A?” idia dogoatao. Danu idia bapatiso tama sina ese September 1992 ena Iseda Basileia Gaukara lalonai idia udaia pepana ladana “Rara Henia Hanai Karana amo Emui Natudia Umui Gimaia” idia dogoatao. Namona be ibounai ese unai udaia pepadia ruaosi idia duahia namonamo bona idia manadalaia. Bema kongrigeisen be unai udaia pepadia ma haida idia ura, vadaeni S-14-E fom amo oda idia karaia diba. Namona be seketere dekenai unai udaia pepadia momo idia noho, unai amo bapatiso matamata taudia dekenai unai udaia pepadia ruaosi bona Advance Medical Directive/Release kadi ia henia. Bona bapatiso lasi natudia (edia tama sina be idia bapatiso) dekenai unai udaia pepadia ruaosi bona Identity Card ia henia diba.
◼ January 1, 2009 ia hamatamaia neganai, inai ladana “Hakaua Naria Tauna” be do ita gaukaralaia lasi. To inai ladana matamatana do ita gaukaralaia: “Elda Orea Edia Kodineita.”