Baibel Stadi ta Hamatamaia Dinana
1 January amo, kongrigeisen ibounai be hua ta ta ai wikeni ta (reana wikeni ginigunana) do idia abia hidi, Baibel stadi ta idia hamatamaia totona. Anina be kongrigeisen do ia abia hidi, Saturday be hegeregere o Sunday be hegeregere unai idia karaia totona. Unai dina dekenai, ena be ruma tauna ta ia ura lasi Baibel stadi ia abia, to pablisa be Baibel Hadibaia bukana o magasin matamatana ta ia henia diba. Namona be elda taudia bona hesiai taudia be palani idia karaia unai gaukara idia karaia bona pablisa idia durua Baibel stadi ta idia hamatamaia totona.
2 Kongrigeisen Hesiai Komiti be Baibel stadi ta hamatamaia ena wikeni ena dina do ia abia hidi. To hanaihanai pablisa idia hadibaia be namo, unai amo pablisa taudia do idia hegaegae bona do idia gaukara goada ruma-ta-ruma-ta haroro gaukara idia karaia eiava kamonai taudia idia vadivadi henia neganai, Baibel stadi ta idia hamatamaia totona.
3 Hegaegae Dalana: February 2006 Iseda Basileia Gaukara lalonai idia udaia pepana bona Herevalaia bukana ena rau 11 ai be Baibel stadi hamatamaia daladia haida idia herevalaia. Pablisa haida be pepapepa ta, hegeregere Oi Ura Hereva Momokani Oi Diba, A? idia gaukaralaia diba. Danu, August 2007 Iseda Basileia Gaukara ena rau 3 ai be magasin ia abia tauna ita lou henia bona Baibel stadi ita hamatamaia daladia ia herevalaia. Elda bona hesiai taudia ese haroro gaukara ena hebou be miniti 10 ia lao 15 lalonai idia karaia be namo, bona unai nega lalonai Baibel stadi hamatamaia dalana ta o rua do idia herevalaia o haheitalaia.
4 Haida be Baibel stadi do idia abia dae lasi, to ma haida be nega daudau lalonai do ita stadi henidia. To, unai gaukara dekenai ita hesiku lasi, badina Iehova ese mamoe bamona taudia be ena orea lalonai ia hakaua vareai. (Ioa. 6:44) Eda maduna be, hereva momokani ena uhe ita hadoa sibona lasi, to hereva momokani idia abia dae taudia ita dairia o durua noho, anina ta be kudou-maoro taudia ita stadi henia noho. Unai bamona ita karaia neganai, ita hahedinaraia ita be Dirava ese ia henia gaukara namona ita karaia namonamo.—1 Kor. 3:9.