Hadibaia Herevadia

◼ December: Tau Hereadaena bukana hariharilaia. Bema ruma taudia idia gwau idia be mai edia natuna, vadaeni Hadibaia Tauna Badana amo Diba Ita Abia bukana hariharilaia. January: Memero Kekeni​—Moale Umui Davaria Dalana, Roho Mauri, Maino Bona Noho Namona​—Daika amo Ia Mai?, Dirava Momokani Tomadiho Henia, eiava rau 192 bukana ta oi hariharilaia. Bema emui kongrigeisen ai Diba ese Mauri Dekenai Ita Ia Hakaua Lao o Mauri Hanaihanai Paradaiso Lalonai Oi Abia bukana idia noho, namona be unai oi hariharilaia. February: Ruma Bese Ena Moale Havaraia Dalana bukana hariharilaia. March: Baibel be Dahaka Ia Hadibaia? Ita hekwarahi Baibel stadi ita hamatamaia totona.

◼ Lagani 2009 ena Memorial be Thursday, April 9, dina ia diho murinai do ita karaia. Inai hadibaia hereva ai siaia haraga, unai amo Kingdom Hall tamona idia gaukaralaia kongrigeisen rua eiava toi ese gabu ma ta idia tahua diba Memorial idia karaia totona. Namona be elda taudia ese do idia gaukaralaia gabudia edia biaguna amo gwaumaoro idia abia, unai adorahi ai gadara eiava ma gau haida do idia karaia lasi totona bona Memorial do ia heau namonamo diba.

◼ Lagani 2009 ena Memorial negana ena spesel pablik tok be April 20 purana ai do idia henia. Hereva ena sinado be gabeai do ai gwauraia hedinarai. Bema unai pura lalonai sekit naria tauna ia vadivadi eiava sekit hebouhebou umui abia, pura gabena ai spesel tok do umui karaia diba. April 20 ia do ginidae lasi neganai, kongrigeisen ta ese unai spesel tok do ia karaia lasi.

◼ April 13, 2009 purana ia hamatamaia neganai, ita ese Kongrigeisen Baibel Stadi lalonai Hadibaia Tauna Badana amo Diba Ita Abia bukana do ita stadilaia.