Henanadai Mauana

◼ Kongrigeisen o tadikaka taihu ese Iehova ena Witnes taudia edia Watch Tower logo idia gaukaralaia be maoro, a?

Logo be orea o koporeisen ta ena ladana eiava ena maka, bona taunimanima be unai ladana o maka amo idia diba ia be edena orea o koporeisen. Watch Tower logo be Watch Tower Bible and Tract Society of Pennsylvania, bona ena koporeisen haida edia maka. Iehova ena Witnes taudia ese idia gaukaralaia koporeisen ma haida danu be mai edia logo idauidau.

Kongrigeisen o tadikaka taihu ese Watch Tower logo, o edia orea ena ladana o logo ma haida be edia Kingdom Hall ai, saini ta ai, revareva eiava gau ma haida dekenai do idia gaukaralaia lasi. Orea ena logo be unai bamona ita gaukaralaia neganai, gavamani taudia, pablisa taudia bona ma haida be kongrigeisen bona orea edia gaukara dalana do idia daradaralaia. Unai hegeregerena, bema haida ese edia revareva ai Watch Tower logo idia gaukaralaia, ma haida do idia laloa unai revareva be Brooklyn hedikwota o brens opesi amo ia mai.

Nega vairai Kingdom Hall haginia gaukara umui karaia neganai, namona be Watch Tower logo o ena maka ma ta umui gaukaralaia lasi, herevana unai Kingdom Hall be Watch Tower ena orea ta henunai ia noho. Bema kongrigeisen ese idia gaukaralaia Kingdom Hall dekenai logo ta ia noho, reana idia senisia haraga lasi, badina nega haida unai haidaua totona be gaukara badana bona moni bada do idia negea. To, bema gaukara be bada lasi bona moni bada do umui negea lasi, namona be gau ta umui karaia unai logo umui senisia totona. Kingdom Hall umui hanamoa o saini umui haidaua negana be nega namona unai logo umui kokia totona.