Hadibaia Herevadia

◼ Henia gaudia. April bona May: Watchtower bona Awake! magasin hariharilaia. Kamonai taudia, bona Memorial eiava hebouhebou badadia dekenai idia lao, to kongrigeisen heboudia dekenai idia lao lasi taudia, oi lou henia neganai, namona be Baibel be Dahaka Ia Hadibaia? bukana be idia dekenai oi hariharilaia. Bona unai buka amo Baibel stadi oi hamatamaia. June: Rau 192 bukadia hariharilaia. Bema kongrigeisen dekenai unai buka idia noho lasi, vadaeni Baibel be Dahaka Ia Hadibaia? bukana hariharilaia. July bona August: Inai rau 32 buklet ta oi gaukaralaia diba: Dirava Ia Ura Dahaka Ita Karaia?, Gima Noho!, Inai Gavamani ese Paradaiso Do Ia Mailaia, “Itaia! Lau ese Gau Iboudiai Lau Hamatamataia,” Mauri Hanaihanai Tanobada Dekenai Oi Abia!, bona Toi Tamona Oi Abia Dae be Namo, Eiava? Eiava Diba ese Mauri Dekenai Ita Ia Hakaua Lao eiava Mauri Hanaihanai Paradaiso Lalonai bukana bona rau 192 bukadia, Hadibaia Tauna Badana, Memero Kekeni, Roho Mauri, Maino Bona Noho Namona eiava Tomadiho ita hariharilaia diba.

◼ Pepapepa ladana Mauri mai Mainona Tanobada Matamatana Lalonai (T-15-KUA) Kuanua gado ai be Literature Request Form (S-14-E) amo umui oda diba.

◼ Lagani 2009 ena distrik hebouhebou be tanobada hegegemadai ai do idia karaia dainai, ita be do ita gaukara goada taunimanima ita hadibaia totona. Pablisa taudia be edia teritori dekenai hebouhebou ena boiboi pepadia do idia hariharilaia. Hebouhebou ia do matamaia lasi neganai, kongrigeisen ta ta be wiki toi lalonai boiboi pepadia do idia hariharilaia be namo. To bema kongrigeisen bona grup be distrik hebouhebou gabuna amo idia noho daudau, bona hebouhebou gabuna dekenai idia lao totona PMV, peleini o bouti idia abia, namona be hebouhebou ena deit do lasi neganai, wiki siks lalonai boiboi pepadia do idia hariharilaia.