Emu Noho Gabuna Oi Haidaua, A?

Bema unai henanadai ena haere be oibe, oi bona ma haida be gau momo do umui karaia be namo. Henunai ai herevalaia dala badadia bema oi badinaia, emu kongrigeisen matamatana do oi moalelaia haraga.

(1) Edeseni do oi lao oi diba neganai, hari oi noho kongrigeisen ena seketere be reana oiemu kongrigeisen matamatana ena Kingdom Hall ena adres do ia abia diba. Unai gabu dekenai oi ginidae neganai, Kingdom Hall ia noho gabuna oi tahua haraga bona kongrigeisen ena hebou negadia oi hamomokania. Bema kongrigeisen momo ese Kingdom Hall idia gaukaralaia, elda taudia oi nanadaia oi do idia hadibaia edena kongrigeisen ena teritori ai oi noho. Oi naria daudau lasi to hebou oi lao henidia bona elda taudia oi dibaia haraga.​​—Roma 15:7.

(2) Hari oi noho kongrigeisen, bona oiemu kongrigeisen matamatana ena seketere taudia be do idia gaukara hebou oi bona emu ruma bese taudia edia Kongrigeisen ena Pablisa Rekod Kadi do idia siaia totona. Oiemu kongrigeisen matamatana ena elda taudia dekenai emu sivarai ia gwauraia revarevana do idia siaia danu. (April 1991 ena Iseda Basileia Gaukara pepana ena Henanadai Mauana itaia.)

(3) Oiemu kongrigeisen matamatana ena pablisa taudia ibounai be mai edia moale gaukarana ta​—oi idia dibaia bona heabidae mamina idia hahedinaraia totona. (3 Ioane 8 hahegeregerea.) To momokani, anina be hebou oi lao henidia be namo, tadikaka bona taihu ida hagoadaia heheni karana do oi moalelaia diba totona.

(4) Namo lasi oi naria ela bona emu noho gabuna oi haidaua gaukara ibounai idia ore, bena murinai oiemu kongrigeisen matamatana ida haroro gaukara oi karaia. Basileia oi atoa guna dainai, gau ma haida do idia heau namonamo, bona emu noho gabuna matamatana do oi moalelaia. (Mat. 6:​33) Oiemu ruma ai oi noho namonamo neganai, reana oi ura ma haida be kongrigeisen amo oi boiria, oi idia vadivadi henia bona idia oi dibaia namonamo totona.​​—Roma 12:13b.

Emu noho gabuna oi haidaua be gaukara badana. To, bema iboudiai be edia kahana idia karaia, ta be lauma dalanai do ia hekwarahi lasi. Bena iboudiai ese iseda lalokau Keristani tadikaka edia kara do idia laloa bada.

This is a repeat of article in km 10/99 taken from km-E 10/99 “Are You Moving?”