Magasin Herevalaia Daladia

The Watchtower August 1

“Momo idia laloa taunimanima namodia ibounai be guba dekenai do idia lao. Oi danu be unai oi abia dae, a? [Haere naria.] Inai siri be tanobada dekenai do idia vara gaudia ia herevalaia. [Salamo 37:​11, 29 duahia.] Iesu be taunimanima edia vaira negana tanobada ai ia gwauraia, bona inai magasin ese unai ia herevalaia.” Rau 22 ai ia noho herevana hahedinaraia.

Awake! August

“Tama eiava sina ta ia mase neganai, unai ese lalohisihisi bada ia havaraia diba. Unai oi abia dae, a? [Haere naria.] To momo be Baibel ai idia noho herevadia ese idia hagoadaia, hegeregere siri ta be inai. [Apokalupo 21:4 duahia.] Idia lalohisihisi bada matamata taudia totona heduru hereva haida be inai magasin ese ia herevalaia.” Rau 10 ai ia noho herevana hahedinaraia.

The Watchtower September 1

“Haida idia gwau bema Dirava oi abidadama henia, oi dekenai kohu momo do ia henia, to bema oi ogogami, anina be Dirava be oi dekenai ia moale lasi. Oi be dahaka oi laloa? [Haere naria.] To, Iesu be kohu momo tauna lasi. [Luka 9:58 duahia.] Inai magasin be Dirava idia hesiai henia taudia ese idia abia hahenamo idauidau ia herevalaia.”

Awake! September

“Hari inai negai matamata taudia ese idia davaria hekwakwanai momo be guna bamona lasi. Unai oi abia dae, a? [Haere naria.] Momo idia gwau inai siri ese ia herevalaia gaudia be hari iseda negai idia vara noho. [2 Timoteo 3:1 duahia.] Inai magasin ese Baibel ena hakaua hereva haida ia hahedinaraia, edena bamona tama sina bona matamata taudia ese idia davaria hekwakwanai idia hanaia totona.”