Magasin Herevalaia Daladia

The Watchtower December 1

“Lagani ta ta ai, December lalonai momo be Iesu ena vara dinana ai idia vara gaudia idia hahedinaraia, Baibel ese ia herevalaia sivaraina idia hahedinaraia totona. [Mataio 2:​1, 11 duahia.] Baibel ese ia gwauraia sivaraina bona taunimanima ese idia hahedinaraia gauna edia idau oi itaia, a? [Haere naria.] Inai kahana ese idia vara momokani gaudia ia herevalaia.” Rau 31 ai ia noho herevana hahedinaraia.

Awake! December

“Iesu ena hereva ta dekenai lau ura emu lalohadai lau ura diba. [Mataio 5:3 duahia.] Tomadiho oreadia be momo dainai, oi laloa Dirava tomadiho henia totona edena tomadiho ita abia dae be mai anina bada, a? [Haere naria.] Inai magasin ese Baibel ena lalohadai ia hahedinaraia bona oi ia durua tomadiho maorona oi abia hidi totona.” Rau 12 ai ia noho herevana hahedinaraia.

Gima Kohorona January-March

“Oi laloa nega ta Dirava ese tanobada ai hisihisi do ia haorea, a? [Haere naria.] Mani inai Baibel siri ese ia gwauraia gwauhamata oi laloa. [Rau 7 ai maua lalonai ia noho siri ta duahia.] Inai magasin ese ia hahedinaraia edena nega bona edena dala ai Dirava ese hisihisi ibounai do ia haorea.”

Awake! January

“Inai nega dikana lalonai, taunimanima momo idia mamia moni gaukara dekenai idia bisi bada herea dainai idia hesiku bada. Oi danu ese unai oi mamia, a? [Haere naria.] Mani Baibel ai inai sisiba namona oi itaia. [Hadibaia Tauna 4:6 duahia.] Inai magasin ese moni gaukara, ruma bese, bona laga-ani negadia be edia gabu korikori ai ita atoa daladia ia herevalaia. Bona danu, moni gaukara idia tahua taudia totona heduru daladia haida ia gwauraia.”