Haroro Ripoti Namona
Vanegai Morobe Provinsi ai, iseda tadikaka 6 be wiki tamona lalonai Sarawaget ororo gabudiai haroro gaukara idia karaia. Unai ororo be atai momokani dainai keru be bada. Unuseniai taunimanima be Basileia sivaraina, bona Iehova ena ladana idia diba lasi. Tadikaka be hanua 9 ai idia haroro neganai, hanua taudia ese mai moale ida idia abia dae. Idia ese Baibel stadi 11 idia hamatamaia bona haida idia stadi henia ela bona hanuaboi momokani. Buka bona buklet ibounai 975, bona magasin 379 bamona idia hariharilaia. Danu, kamonai taudia idia hadibaia Dirava ena Basileia sibona ese taunimanima edia hekwakwanai ia haorea diba.