Haroro Ripoti Namona

November 2013 ai, tanobada hegegemadai idia noho kongrigeisen ibounai ese idia abia hadibaia herevana be inai: Singul Tadikaka Edia Baibel Sikuli (BSSB) bona Keristani Headava Taudia Edia Baibel Sikuli (BSCC) be sikuli tamona ai ia lao bona ena ladana be Basileia Evanelia Sikuli. Inai sikuli idia haorea taudia edia gaukara badana be haroro gaukara. To, idia haida danu be Betele rumadia bona Kingdom Hall konstraksen gaukaradia idia durua diba. Unai dainai, ai be mai moale ida umui ai hadibaia, June 10, 2015 dekenai, ai ese gwaumaoro ai abia Basileia Evanelia Sikuli be Papua New Guinea ai do idia karaia. Bona September 2015 lalonai unai sikuli ena klas ginigunana ia matamaia.—Isaia 54:13.