‘Ita Hesiku Lasi’

4:16-18

Mani inai oi laloa, ruma bese rua be ia dika vadaeni bildin gunana ta lalonai idia noho. Ruma bese ta be ia moale lasi. To, ruma bese ma ta be ia moale. Dahaka dainai? Badina unai ruma bese be kahirakahira unai gabu do idia rakatania bona ruma namona ta dekenai do idia noho.

Ena be “havaraia gaudia ibounai be idia taitai bona idia hisihisi hebou noho ema bona hari,” to Dirava ena hesiai taudia be mai edia helaro dainai idia haheauka. (Ro 8:22) Dirava ena tanobada matamatana ai do ita abia mauri hanaihanai ita laloa neganai, hari ita davaria hekwakwanai bona lagani momo lalonai ita davaria hisihisi be “nega sisina gauna bona ia metau lasi.” Dirava ena Basileia ese nega vaira ai do ia havaraia hahenamo idauidau ita laloa karana ese ita do ia durua ita moale bona hesiku lasi totona.