KERISTANI TAUDIA EDIA MAURI DALANA
Emu Ura Gaudia Oi Biagua
Ita be goevadae lasi taudia dainai, namona be hanaihanai ita hekwarahi iseda ura gaudia ita biagua totona. Bema iseda ura gaudia sibona ita karaia, Iehova ena lalonamo ita haboioa diba. Hegeregere haida be aniani, dabua, bona ruma namodia idia laloa momo dainai Dirava idia lalokau henia lasi. Haida be edia mahuta hebou urana idia hagugurua totona Dirava ena taravatu idia utua. (Ro 1:26, 27) Bona haida be ma haida edia laloani karadia idia abia dae, badina idia ura unai taudia ese do idia ura henia bona edia turadia ai idia lao.—Eso 23:2.
Edena dala ai iseda ura gaudia ita biagua diba? Namona be ita hekwarahi Iehova ese ia moalelaia karadia ita goadalaia totona. (Mt 4:4) Danu, Iehova ita noia ita ia durua iseda ura gaudia ita biagua totona. Dahaka dainai? Badina Ia diba dahaka be namo ita totona bona iseda ura gaudia ia hagugurua diba.—Sal 145:16.
VIDIO LADANA NAMO LASI KUKU ESE EMU MAURI IA HADIKAIA ITAIA, BENA INAI HENANADAI HAERELAIA:
Dahaka dainai taunimanima haida be kuku idia ania?
Kuku ania karana ese oi dekenai dahaka ia havaraia diba?
Dahaka dainai kuku bona kuku ania masini ladana, vaping be dika?—2Ko 7:1
Kuku ania urana oi dadaraia diba!
Ta ese kuku ia henia neganai edena dala ai oi gwau diba lasi? Eiava edena dala ai oi manadalaia kuku ania karana oi hanaia diba?