FEBRUARY 19-25

SALAMO 8-10

Ane 2 Bona Guriguri | Hamatamaia Herevadia (1 min.)

BAIBEL ENA HEREVA BADADIA

1. Iehova E, Lau ese Oi Do Lau Hanamoa!

(10 min.)

Iehova ena kara be namo herea ita dekenai (Sal 8:3-6; w21.08 3 par. 6)

Ma haida dekenai Iehova ena hoa karadia ita herevalaia neganai, ia ita hanamoa (Sal 9:1; w20.05 23 par. 10)

Danu, mai kudouna ibounai ida ane ita abia neganai, Iehova ita hanamoa (Sal 9:2; w22.04 7 par. 13)

Laulau: Iehova hanamoa daladia. 1. Taihu burukana ta be ena nesi ia haroro henia. 2. Hebou ai tadikaka taihu be ane idia abia. 3. Kongrigeisen hebouna ai mero maragina be haere totona ena imana ia abia isi. 4. Tadikaka matamata ta be Kingdom Hall ia hagoevaia. 5. Taihu matamata ta be ena sikuli turana ia haroro henia.

SIBONA OI NANADAIA, ‘Edena dala ma haida ai Iehova lau hanamoa diba?’

2. Hakaua Hereva Namodia

(10 min.)

Sal 8:3—Salamo torea tauna be Dirava ena imana ia herevalaia neganai, ena anina be dahaka? (it-1-E 832)

Emu haere
Inai wiki ena Baibel duahiduahi amo dahaka oi dibaia?

Emu haere

3. Baibel Duahiduahi

(4 min.) Sal 10:1-18 (th stadi 11)

EMU HARORO DALANA

4. Herevahereva Hamatamaia

(3 min.) RUMA TA RUMA TA. Ruma tauna be oi ia hamaoroa Dirava ia abidadama henia lasi. (lmd leseni 5 point 4)

5. Lou Henia Karaia Noho

(4 min.) NEGA BONA GABU IDAUIDAU AI HARORO. Vadivadi ginigunana ai ruma tauna ia gwau, Dirava ia abidadama henia lasi, to ia ura oi ida Havaraia Tauna ia noho ena hamomokania gaudia ia herevalaia. (th stadi 7)

6. Tok

(5 min.) w21.06 6-7 par. 15-18—Sinado: Emu Stiuden Oi Durua Iehova Ia Hanamoa Totona. (th stadi 10)

KERISTANI TAUDIA EDIA MAURI DALANA

Ane 10

7. Edena Dala ai Sibona Emu Hereva Dalanai Oi Haroro Diba?

(10 min.) Tok.

Iehova ita hanamoa noho dalana ta be nega bona gabu idauidau ai ita davaria taudia ita haroro henia. (Sal 35:28) Matamanai, do ita gari unai ita karaia totona. To sibona emu hereva dalanai herevahereva oi hamatamaia neganai, unai do oi manadalaia bona moalelaia!

Vidio ladana, Oi Hegaegae “Maino Ena Sivarai Namona”—⁠Hereva Oi Hamatamaia” ena vidio ena laulau. Restaurant ta ai taihu ta be ia badinai ia helai hahinena ia haroro henia.

VIDIO hahedinaraia Oi Hegaegae “Maino Ena Sivarai Namona”—Hereva Oi Hamatamaia. Bena helai taudia nanadaia:

Inai vidio ese edena dala ai oi ia durua nega bona gabu idauidau ai sibona emu hereva dalanai oi hereva totona?

Emu haere

Inai dala haida ese oi do ia durua:

Emu ruma oi do rakatania lasi neganai, herevahereva hamatamaia daladia totona oi hegaegae. Unai oi gurigurilaia bona Iehova oi noia oi ia durua kudou maoro taudia oi hereva henia totona
Kiri toana oi hahedinaraia bona oi davaria taudia dekenai oi hahedinaraia idia oi laloa bada. Oi davaria tauna ese ia laloa gaudia oi diba be namo, unai ese oi do ia durua reana do ia ura henia Baibel ena hereva momokani oi abia hidi totona
Bema hegeregere ena kontek infomeisen oi abia
Bema emui herevahereva ia doko, to oi haroro henia lasi, oi lalohisihisi lasi
Oi hereva henia tauna oi laloaboio lasi. Ia dekenai Baibel siri ta ena link eiava jw.org ai atikol ta oi siaia

Inai oi tohoa: Bema ta be oi ia nanadaia, ‘Emu wiken ia namo?,’ vadaeni ia dekenai hebou ai oi dibaia gaudia eiava emu haroro gaukara oi herevalaia diba.