MAY 6-12

BAIBEL ENA HEREVA BADADIA

1. “Kara Dika Taudia Dainai Oi Lalohisihisi Lasi”

(10 min.)

Kara dika taudia ese ita dekenai hisihisi bona lalohekwarahi idia havaraia (Sal 36:1-4; w17.04 10 par. 4)

“Kara dika taudia” ita badu henia noho karana ese ita ia hadikaia danu (Sal 37:1, 7, 8; w22.06 10 par. 10)

Iehova ena gwauhamata abidadama henia karana ese ita dekenai maino ia henia (Sal 37:10, 11; w03 12/1 26 par. 20)

Ia lalohekwarahi taihu ta be ena fon dekenai nius ia duahia noho. Ia itaia taunimanima be mai badu ida idia protest, pulisi tauna be laloani monina ia abia, soldia taudia be edia ipidi idia hapoua, tau ta mai ena ipidi be kapak dekenai ia gini, taunimanima be sitoa kohudia idia henaoa, dagedage karadia idia vara, motuka aksiden ai ambalans taudia idia heduru.

SIBONA OI NANADAIA, ‘Niusi dekenai idia hahedinaraia dagedage karadia lau itaia momo, a?’

2. Hakaua Hereva Namodia

(10 min.)

Sal 36:6—Salamo torea tauna ia gwau Iehova ena kara maoromaoro be “ororo badadia bamona,” unai hereva ena anina be dahaka? (it-2-E 445)

Emu haere
Inai wiki ena Baibel duahiduahi amo dahaka oi dibaia?

Emu haere

3. Baibel Duahiduahi

(4 min.) Sal 37:1-26 (th stadi 10)

EMU HARORO DALANA

4. Herevahereva Hamatamaia

(3 min.) RUMA TA RUMA TA. (lmd leseni 1 point 5)

5. Lou Henia Karaia Noho

(4 min.) NEGA BONA GABU IDAUIDAU AI HARORO. Guna stadi ia dadaraia tauna dekenai Baibel stadi karana oi herevalaia lou. (lmd leseni 9 point 4)

6. Tok

(5 min.) ijwbv 45—Sinado: What Is the Meaning of Psalm 37:4? (th stadi 13)

KERISTANI TAUDIA EDIA MAURI DALANA

7. “Hisihisi Negadia” Totona Oi Hegaegae, A?

(15 min.) Herevalaia.

Tanobada hegegemadai tadikaka taihu be taunimanima ese idia havaraia bona idia vara kava disasta dainai dika bada idia davaria bona edia lalokau taudia idia mase. (Sal 9:9, 10) Oibe, “hisihisi negadia” be idia vara kava diba, unai dainai unai dika ita haheaukalaia totona ita ibounai ita hegaegae be gau badana.

Ita roho mauri totona gau haida ita hegaegaelaia be namo,a to disasta ia vara neganai dahaka ese ita ia durua diba?

Lalona oi hegaegaelaia: Ita abia dae disasta be do idia vara, unai dainai ta ia vara neganai do ita karaia gaudia ita laloa be namo. Kohu do ita laloa bada lasi. Unai ese oi do ia durua, mai aonega ida disisen oi karaia bona emu seifti bona mauri oi atoa guna. (Ge 19:16; Sal 36:9) Unai ese oi do ia durua, unai amo disasta murinai lalohadai maorona do abia bona oi haboioa kohu dainai do oi lalohisihisi lasi.—Sal 37:19
Emu abidadama oi hagoadaia: Iehova ia ura oi do ia naria karana oi abidadama henia. (Sal 37:18) Disasta ia do vara lasi neganai, namona be oi laloatao Iehova be iena hesiai taudia do ia hakaua bona naria, herevana iseda kohu ibounai ita haboioa to ‘iseda mauri ita haboioa lasi.’—Ier 45:5; Sal 37:23, 24

Iehova ena gwauhamata ita laloa noho karana ese ita do ia durua, “hisihisi negadia ai ia be [iseda] kohoro goadana” ai do ita halaoa diba.—Sal 37:39.

Laulau: Inai laulau haida be vidio ladana “Nega Dikadia Totona Oi Hegaegae Vadaeni, A?” amo idia abia. 1. Tadikaka ta be Baibel ia duahia noho. 2. Sunami hurehure. 3. Ori koremana. 4. Abata lalonai taunimanima be dia kohu idia huaia.

VIDIO hahedinaraia Nega Dikadia Totona Oi Hegaegae Vadaeni, A? Bena helai taudia oi nanadaia:

Disasta negadia ai edena dala ai Iehova ese ita do ia durua?

Emu haere
Dahaka gau haida ita hegaegaelaidia diba?

Emu haere
Edena dala ai disasta idia davaria taudia ita durua diba?

Emu haere

8. Kongrigeisen Baibel Stadi

(30 min.) bt karoa 9 par. 8-16

Hereva Dokona (3 min.) | Ane 57 Bona Guriguri

a Awake! No. 5 2017, rau 4-6 itaia.