MAY 5-11

BAIBEL ENA HEREVA BADADIA

1. Gaukara Goada Karana be mai Ena Ahuna

(10 min.)

Anina lasi gaudia abia eiava karaia totona, emu nega oi haorea kava lasi (Ao 12:11)

Namona be oi gaukara goada (Ao 12:24; w16.06 30 par. 6)

Emu gaukara goadagoada ena ahuna do oi abia (Ao 12:14)

Laulau: Tadikaka ta be moni gaukara ia karaia bona hesiai gaukara idauidau ia karaia danu. 1. Ena gaukara kohudia ida ia raka lao. 2. Ena wrench ia gaukaralaia paipa badana ia hanamoa totona. 3. Ia bona ena ruma bese be kongrigeisen hebou idia lao. Ia bona ena natuna kekeni maragina be edia imana idia abia isi haere idia henia totona. 4. Pepapepa ia gaukaralaia sevis steiseni dekenai tau ta ia haroro henia totona.

DALA TA BE: Iseda gaukara goada karana ese ma haida ia durua dalana ita laloa neganai, unai ese ita ia hamoalea.—Kara 20:35; g21.1 p. 8 par. 1.

2. Hakaua Hereva Namodia

(10 min.)

Ao 12:16—Edena dala ai iseda hereva amo ma haida ita durua diba? (w24.09 28 par. 10)

Emu haere
Inai wiki ena Baibel duahiduahi amo dahaka oi dibaia?

Emu haere

3. Baibel Duahiduahi

(4 min.) Ao 12:1-20 (th stadi 5)

EMU HARORO DALANA

4. Herevahereva Hamatamaia

(2 min.) RUMA TA RUMA TA. (lmd leseni 1 point 4)

5. Herevahereva Hamatamaia

(3 min.) RUMA TA RUMA TA. Baibel stadi herevalaia. (lmd leseni 5 point 4)

6. Lou Henia Karaia Noho

(3 min.) NEGA BONA GABU IDAUIDAU AI HARORO. Iseda websait be ruma tauna mai ena natudia dekenai oi hahedinaraia. (lmd leseni 9 point 3)

7. Emu Abidadama Oi Gwauraia Hedinarai

(3 min.) Haheitalai. ijwfq-E atikol 3—Sinado: Oi Abia Dae Oi Badinai Tomadiho be Tomadiho momokani tamona? (lmd leseni 4 point 3)

KERISTANI TAUDIA EDIA MAURI DALANA

8. Moni Ena Hekwakwanai Lalonai Iehova ese Ita Ia Durua

(15 min.) Tok bona henanadai.

Moni gaukara oi tahua totona, emu gaukara oi haboioa, eiava hari bona oi buruka neganai emu moni be ia hegeregere lasi dainai oi lalohekwarahi, a? Inai tanobada lalonai moni ena siahu ia maragi ia lao. To, Iehova ia gwau ia ita atoa guna neganai, iseda dabu gaudia do ia henia—ena be iseda mauri ai moni ena hekwakwanai ita davaria.—Sal 46:1-3; 127:2; Mt 6:31-33.

Vidio ladana “Iehova be Ai Ia Rakatania Lasi” ena kahana ta. Tadikaka Alvarado ese ena adavana ena imana ia dogoatao bona ena famili ida ia guriguri.

VIDIO hahedinaraia Iehova be Ai Ia Rakatania Lasi. Bena helai taudia nanadaia:

Tadikaka Alvarado ena ekspiriens amo dahaka oi dibaia?

Emu haere

1 Timoteo 5:8 duahia. Bena helai taudia nanadaia:

Iehova ese ena hesiai taudia ia naria karana dekenai, edena dala ai inai siri ese emu abidadama ia hagoadaia?

Emu haere

Moni ena hekwakwanai oi davaria neganai, oi do ia durua Baibel ena hakaua herevadia haida mani ita herevalaia:

Kohu momo lasi maurina oi noholaia. Oi abitorehai lasi bona gau momo hoia kava lasi.—Mt 6:22
Gaukara bona sikuli totona abia hidi maorona oi karaia, unai amo Iehova ena hesiai gaukara oi atoa guna.—Fp 1:9-11
Oi manau bona gaukara idauidau oi karaia. Bema emu moni gaukara oi haboioa, mai ura ida gaukara ma haida oi karaia, ena be unai gaukara be momo ese idia laloa bada lasi, unai amo emu ruma bese oi naria diba.—Ao 14:23
Mai ura ida ma haida dekenai emu kohu oi haria, ena be oi dekenai idia noho gaudia be hegeregere lasi.—He 13:16

9. Kongrigeisen Baibel Stadi

(30 min.) bt karoa 26 par. 1-8, rau 204, 208 ena maua