Baibel Ia Perovetalaia Gaudia Ibounai Idia Vara Momokani

Baibel be guna idia vara momokani gaudia sibona ia gwauraia lasi, to gabeai do idia vara gaudia ia gwauraia danu. Taunimanima be vaira negana idia gwauraia diba lasi. Unai dainai ita diba Baibel be Dirava amo. Baibel ese vaira negana be edena bamona ia gwauraia?

Dirava ena tuari badana ta ia gwauraia. Unai tuari lalonai Dirava ese dika idauidau bona kara dika taudia ibounai be tanobada amo do ia kokia, to ia idia hesiai henia taudia do ia gimadia. Dirava ena king, Iesu Keriso, ena lohia henunai Dirava ena hesiai taudia be maino bona moale dekenai do idia noho, bona do idia gorere eiava mase lou lasi.

Ita moale diba badina Dirava ese tanobada dekenai paradaiso matamatana do ia karaia, ani? To unai paradaiso dekenai ita noho totona gau haida ita karaia be namo. Inai buka ena sivarai ginigabena ai, Dirava ese ia idia hesiai henia taudia totona ia hegaegaelaia gau namodia ita abia dalana do ita dibaia. Unai dainai KAHANA 8 oi duahia bona vaira nega totona Baibel ese ia perovetalaia gaudia do oi diba.