Iesu ena Mauri bona Gaukara

lesu ena Hoa Karana Ginigunana

IESU mai ena hahediba taudia matamatadia ese loridane Kourana idia rakatania hari. Varani vanegai Andrea, Petro, loane bona reana lakobo, Filipo bona Natanaela danu be lesu ena hahediba taudia ginigunadia ai idia lao.

Hari, idia be Galilea tanona, edia gabu korikorina unai, dekenai idia raka lao. Idia lao henia hanuana ena ladana be Kana, Natanaela ena hanua korikorina. Unai hanua be ororo kahanai, Nasareta, lesu be ia bada daekau hanuana, kahirakahira dekenai ia noho. Haida ese idia boiridia, headava ena aria ta dekenai do idia lao Kana dekenai.

lesu ena sinana danu be unai headava ariana dekenai ia lao. Maria be headava matamata taudia edia bese ena turana ta dainai, ia ese aria dekenai idia mai taudia ia hesiai henidia. Uaina ia ore neganai Maria ese lesu ia hadibaia.

Maria ia ura lesu ese ia durua, to ia ura lasi. Ia gwau: “Hahine e, lau dekenai be dahaka oi karaia?” lesu be Dirava ese ia abia hidi Pavapavana dainai, iena bese taudia eiava iena turadia ese ena gaukara idia biagua diba Iasi. Unai dainai Maria ese hesiai taudia ia hamaorodia: “Umui dekenai ia hamaoroa gauna be do umui karaia.”

Nadi hodudia badadia 6 idia helai; ta ta edia anina be lita 100 bamona. Vadaeni lesu ese hesiai taudia ia hamaorodia, ia gwau: “Daramu be ranu dekenai umui hahonua” Vadaeni idia hahonudia momokani. Bena lesu ia gwau: “Harihari umui bubua, bona do umui abia lao aria biaguna dekenai.”

Aria biaguna ese uaina ia inua neganai, ia laloa ena mamina be namo herea, to ia diba lasi lesu ese hoa dalana amo ia karaia. Bena headava tauna ia boiria, ia hereva henia, ia gwau: “Taunimanima ibounai ese uaina namo herea idia atoa diho guna, vadaeni vadivadi taudia ese momo idia inua murinai, be uaina sisina ia namo idia atoa diho. To oi be uaina namo herea oi dogoatao vadaeni, ia mai bona harihari.”

Inai be lesu ese ia karaia hoa karana ginigunana, bona ena hahediba taudia matamatadia ese idia itaia neganai, edia abidadama ia goada ia lao. Unai murinai, idia be lesu mai ena sinana bona ena tadidia ida idia lao Kaperanaum ai, Galilea Gohuna kahirakahira. loane 2:1-12.

◆ Edena negai Kana dekenai headava aria idia karaia?

◆ Dahaka dainai lesu ese ena sinana ena hereva ia abia dae Iasi?

◆ lesu ese dahaka hoa karana ia karaia, bona ena anina be dahaka ma haida dekenai?