Duahiduahi Taudia Edia Henanadai

◼ Apokalupo ese ia herevalaidia kibi 7 be edena negai idia hiriria hamatamaia?

Apokalupo karoa 8, 9, bona 11 dekenai, ita be kibi 7 ese idia hiriria aneru 7 edia sivarai ita duahia. Unai kibi idia hiriria neganai, unai ese taunimanima idia mamia hisihisi bada ena nega ia boiboilaia. Idia be Iehova ena hahemaoro herevadia ia laulaulaia. Lagani 1922 ena Cedar Point hebouhebou negana amo Iehova ena taunimanima be nega dokona lalonai unai herevadia idia harorolaia.

Kibi hiriria ginigunadia 4 ese Kerisendom ena mase toana lauma dalana dekenai ia hahedinaraia. Unai be “tanobada,” bona “davara” dekenai. Danu, dubu naria taudia edia moru bona Kerisendom ena dibura toana lauma dalana dekenai ia hahedinaraia.​—Apokalupo 8:​7-12.

Tanobada ena sivarai amo ia hahedinaraia taunimanima iboudiai idia hadibaia hamatamaia lagani 1922 ia do mai lasi neganai. Hegerere, pablik tok “Hari Idia Mauri Noho Taunimanima Milion Momo be Do Idia Mase Lasi,” be 1918 ai idia henia bona 1920 lalonai unai hereva be buklet dekenai idia printaia. Unai buklet ia gwau Kerisendom ia hegeregere lasi bona tanobada ena dokona ia mai kahirakahira. The Golden Age magasin, September 29, 1920 gauna ese ia hahedinaraia Kerisendom ia heudahanai, ia koikoi, bona taunimanima momo ia hakaudia kerere.

Badina be dahaka Revelation Climax bukana ia gwau unai kibi hani idia hiriria hamatamaia Cedar Point ena hebouhebou lagani 1922 dekenai sibona? Badina unai neganai idia boiridia “Pavapava bona Basileia umui harorolaia, harorolaia, harorolaia,” bona unai ese haroro gaukara ia habadaia momokani. The Watch Tower, November 1, 1922 gauna, ia gwau: “Tadikaka . . . idia laloa hebouhebou ena hereva badana be tanobada dekenai idia abia hidi taudia edia gaukara namona be Lohiabada, pavapava edia Pavapava, ena noho idia harorolaia bona iena basileia ia noho, bona gau badana momokani be unai idia karaia.”

Namona be ita laloa danu, ena be lagani 1922 amo, Iehova ena Witness taudia ese unai hahemaoro herevadia hani idia harorolaia, unai hereva iboudiai idia habadaia badina hebouhebou haida lagani 1922 bona 1925 ena huanai, gwau bou hani idia abia dae. Unai gwau bou herevadia milion momo idia printaia, bona idia hahedinaraia Kerisendom be lauma dalana dekenai ia mase vadaeni.

Kibi hiriria ginigabedia toi ena anina be ‘madi.’ (Apokalupo 8:13) Idia be kibi hiriria ginigunadia hani amo idia idau badina idia be do idia vara gaudia idia herevalaia. Kibi hiriria ima ena anina be 1919 ai Dirava ena taunimanima be ‘guri’ amo idia raka. Kibi hiriria taura-ta ena anina be “hosi dekenai idia guia taudia” bona 1922 ese ia hamatamaia haroro gaukarana tanobada ibounai dekenai. Kibi hiriria taura-rua ena anina be lagani 1914 ai, Dirava ena Basileia ia vara.​—Apokalupo 9:​1-19; 11:​15-19.

Unai vara gaudia iboudiai ese Satana bona ena tanobada idia hadikaia. Lagani 1919 ai, horoa taudia be gaukara lasi gurina amo idia halasidia neganai, Kerisendom ena dubu gunalaia taudia idia badu bona ia hahedinaraia Iehova ese ia dadaraia momokani. Lagani 1922 ena nega amo ema bona hari, hosi dekenai idia guia taudia be lauma dalana dekenai, Kerisendom ia hamasea bona iena mase toana ia hahedinaraia bona iena hadikaia negana ia harorolaia. Bona 1914 ai Basileia ia vara murinai, Satana be guba amo idia negea, bona unai ese taunimanima dekenai dika ia havaraia. Nega kahirakahira, Basileia ese Satana ia havaraia toana namo oreana (tanobada dekenai), bona gwau-edeede taudia (davara) do ia hadikaia ore Aramagedono dekenai.​—Apokalupo 11:​17–12:12; 21:1.

Cedar Point ena hebouhebou 1922 ai, unai ‘madi’ toiosi be tanobada iboudiai dekenai idia hadibaia. Unai neganai idia hamatamaia haroro gaukarana ese ia hahedinaraia “kwadi” be “gurina” amo bona “hosi dekenai idia guia taudia” idia lao noho. Bona idia boiridia Pavapava bona Basileia idia harorolaia totona be kibi hiriria taura-rua ena hereva hegeregerena. The Watch Tower magasin, March 1, 1925 gauna ia gwau 1914, 1919, bona 1922 dekenai idia vara gaudia be Apokalupo karoa 12 dekenai idia perovetalaia. Unai be Basileia ena vara lalo-pararalaia herevana idia habadaia, bona abidadama dekenai Iehova ena Witness taudia ese idia printaia. Ma danu, unai dika ena sivarai idia harorolaia be 1926 ia lao 1928 ena hebouhebou amo idia habadaia badina idia be gwau-bou haida idia abia dae bona idia hariharilaidia.

Unai dainai, kibi idia hiriria hamatamaia 1922 ai bona 1920 murinai idia karaia momokani. Unai negana amo, Iehova ena taunimanima be gari lasi dekenai aneru taudia danu idia gaukara hebou taunimanima iboudiai idia hamaorodia lauma dalana dekenai Kerisendom ia mase vadaeni, bona ena dubu gunalaia taudia idia moru vadaeni, bona nega kahirakahira ia bona Satana ena tanobada be do ia hadikaia ore.