Haroro Herevadia

June Ena Saturday Ginigunana ai Baibel Stadi Hamatamaia

“Ita ibounai iseda ruma bese o turadia haida be idia mase vadaeni. Oi laloa helaro ia noho idia ita itaia lou totona, a? [Haere naria.] Inai hereva namona mani oi itaia.” The Watchtower, June 1, ena rau 16 ai hereva kwarana ginigunana henunai ia noho herevana bona siri ta umui duahia bona herevalaia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower June 1

“Ita momo ita hekwarahi mauri durua gaudia abia totona, to haida be idia hegeregere lasi unai gaudia abia totona. Oi laloa nega ta do ia mai bona ta do ia ogogami lasi, a? [Haere naria. Bena Salamo 9:18 duahia.] Inai magasin ese ogogami ia vara ena badina ia herevalaia, danu ia hahedinaraia Baibel be unai hekwakwanai haorea dalana ia gwauraia.”

Awake! June

“Terorist karana be tanobada ai ia vara hekwakwanai badana ta. Oi laloa dahaka dainai terorist ia vara? [Haere naria.] Baibel lalonai inai hereva ese ita dekenai helaro ia henia. [Salamo 72:​7, 14 duahia.] Inai magasin ese terorist ia vara ena badina haida ia herevalaia, danu Baibel amo ia hahedinaraia edena dala ai bona edena negai unai kara do ia ore.”