Haroro Herevadia

February Ena Saturday Ginigunana ai Baibel Stadi Hamatamaia

“Taunimanima momo idia laloa Diabolo ese tanobada dekenai kara dika ia havaraia. To, momo idia henanadai: ‘Diabolo be edeseni amo ia mai? Dirava ese ia havaraia, a?’ Dahaka oi laloa? [Haere naria.] Mani inai magasin ena hereva oi duahia.” Ruma tauna dekenai February 1 Watchtower ena rau ginigabena oi hahedinaraia, bena paragraf ginigunana bona siri umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower February 1

“Oi laloa Christian, Jew, bona Muslim taudia ese daika idia matauraia bada? Ia be Mose. Iena ladana oi kamonai neganai, ia dekenai dahaka kara ginigunana oi laloa? [Haere naria.] Ena be Mose be kerere ia karaia, to Baibel ese Mose ia herevalaia dalana mani oi itaia. [Deuteronomi 34:10-12 duahia.] Inai magasin ese Mose ena kara namodia toi bona ia ita tohotohoa diba dalana ia herevalaia.”

Awake! February

“Hari negai, taunimanima momo be edia tano idia rakatania bona tano ma ta idia lao mauri namona idia tahua totona. Oi laloa idia tahua gauna do idia davaria, a? [Haere naria.] Ta be ena tano ia rakatania bona tano ma ta ia lao karana be gau matamatana lasi. Baibel ena buka ginigunana ese ia gwauraia haheitalai mani oi itaia. [Genese 46:5, 6 duahia.] Inai magasin ese inai henanadai ia haerelaidia.” Ruma tauna dekenai magasin ena rau 6 ena paragraf dokonai idia noho henanadai oi hahedinaraia.