Iseda Web Sait amo Emu Natudia Hadibaia

1. Web sait ai kahana ta ladana, “Children,” idia karaia ena badina be dahaka?

¹ Iseda Web sait, jw.org, be taunimanima idauidau totona. Web sait ai kahana ta ladana, “Children” (Iniseniai itaia: Bible Teachings > Children) dainai, natudia be edia tama sina bona Iehova do idia tura henia. (Deu. 6:6, 7) Edena dala ai unai kahana amo emu natudia oi hadibaia diba?

2. Edena dala ai stadi gaudia maorodia oi abia hidi, emu natudia oi durua totona?

² Hadibaia Dalana Haidaua: Natudia ta ta edia ura be idauidau. (1 Kor. 13:11) Edena dala ai stadi gaudia maorodia oi abia hidi, emu natudia oi durua totona? Oi sibona oi nanadaia: ‘Egu natuna be edena topik do ia ura henia? Do ia laloparara, a? Do ia hesiku haraga, a?’ Mauri lagani toi ia hanaia lasi natudia ida “My Bible Lessons” umui stadilaia. Famili haida be Web sait ai, “Teach Your Children” kahana idia stadilaia. Web sait ena kahana ma haida ita herevalaia.

3. Edena dala ai tama sina ese “Family Worship Projects” idia gaukaralaia diba?

³ “Family Worship Projects”: Inai bamona tulu amo ruma bese kwaradia ese edia natudia idia stadi henia diba. Sivarai o laulau ta gaukaralaia dalana oi dibaia totona, Web sait ai, daonloud gauna oi presia, bena “Parents’ Guide” oi duahia. Kahana ta (Picture Activities) ai idia noho laulau (coloring pages) amo natudia oi hadibaia. Kahana ma ta (Study Activities) be natu badadia dekenai oi henia, idia toretore totona. Unai bamona gaudia amo natudia badadia bona maragidia be ruma bese ena tomadiho lalonai Baibel sivarai ta o leseni ta idia dibaia diba.

4. Kahana ta, “Become Jehovah’s Friend” ai dahaka idia noho?

⁴ “Become Jehovah’s Friend”: Tama sina ese iseda Web sait ai vidio, ane bona gau ma haida amo natudia dekenai Dirava ena Hereva idia hadibaia diba. (Deu. 31:12) Vidio ta ta amo natudia be mai anina bada gaudia idia dibaia. Eiava natudia be laulau ta tahua bona davaria gadarana do idia karaia. Natudia momo idia ura ane idia abia, bona idia anelaia gaudia idia laloatao​—⁠unai dainai, Basileia anedia bona natudia edia ane be hanaihanai Web sait dekenai idia atoa.

5. Dahaka dainai tama sina ese Iehova idia noia idia do ia durua edia natudia dekenai hereva momokani idia hadibaia totona?

⁵ Tama sina e, Iehova ia ura emui natudia umui naria namonamo. Unai dainai Ia umui noia umui ia durua emui natudia dekenai hereva momokani umui hadibaia totona. (Gun. 13:8) Iehova ese umui do ia durua emui natudia umui hadibaia, ‘aonega umui henia bona Keriso Iesu abidadama henia karana amo hahemauri idia abia’ diba.​—⁠2 Tim. 3:15; Aon. 4:1-4.